Page 22 - MIN SOC

16 AWEMainta Diamars,6 September 2016

Parlamentario Clarisca Velasquez:

MEP mes ta boycotea
reunion cu e mes a pidi

“CU falta disciplina den Partido MEP ta obvio, cu e lider di MEP

no tin “grip” riba su hendenan tambe ta obvio, pero no
por t’asina cu Partido MEP ta yama pidi un reunion
publico y Parlamentarionan di MEP no ta yega
trabou”, Parlamentario Clarisca Velasquez
a duna di conoce.

“Ora un fraccion pidi un reunion e
tin cu percura pa su hendenan t’ey
pa forma quorum den e reunion.
Parlamentario Besaril no a yega
p’e reunion por cuminsa. Tur a
busca pa yam’e p’e yega, pero
envano. E Presidente di Par-
lamento mester a pospone
e reunion p’e siguiente ora.
Increibel con indisciplina e
persona aki ta. Nunca pero
nunca e no a yega na ora na
un reunion.
Y hopi biaha el a keda sin
yega mes na pia di trabou”,
segun e Parlamentario di
AVP.

“Ta mustra cu lider di MEP no tin
mucho “grip” rib’e Parlamentario
aki. Despues di oranan buscando su
persona nan a logra localis’e despues
cu fraccion di AVP a pone presion rib’e
lider di MEP. Despues di oranan nan a logra
hay’e y el a drenta di porta patras di Parla-
mento p’asina niun hende wak e.

Parlamentarionan tin cu yega trabou y e meneer aki ta sin
disciplina. E ta pone Polis su cara na berguensa, pasobra hende ta
pensa cu Polisnan ta hende disciplina. Pero e meneer aki ta carece di discip-
lina total”, ta locual Parlamentario Velasquez a expresa den su disgusto
y desaprobacion completo di e situacion cu a tuma luga.