Page 1 - kpa june 29 2015
P. 1
Bus a dal mucha seriamente na
Savaneta
Monday, 29 June 2015 09:10
Comparti
Dialuna mainta trempan a sosode un accidente caminda un mucha a keda gravemente herida. Esaki
tabata pasa di 6or banda di Savaneta. Polis a wordo manda prome pa un accidente caminda un auto a dal
tras di un bus.
Despues a drenta informacion cu un bus a dal un mucha. Polisnan a yega cu masha urgencia na e sitio.
Eynan a mira e hoben hayando yudanza di militarnan di Kazerne. Polis a pidi pa ambulance cu mas
urgencia. Na yegada e paramediconan a drenta den accion mesora. Despues di stabiliza e victima a sali
cune pa hospital. Su situacion ta hopi grave. Golpinan tabata fuerte. E caminda a wordo sera pa
investigacion. Slachtofferhulp a wordo notifica pa asina presenta na hospital y topa cu famia.
