Page 4 - Lotto

deporte 19
Dialuna 7 November 2016

Participantenan a competi den bowling durante National Games

ORANJESTAD – Diabierna anochi a tuma luga e wega
di bowling di National Games cu a wordo organisa pe
comision di Special Olympics hunto cu Lone Wolf Rid-
ers y Digicel. Tur participante a disfruta di e anochi
aki.
E anochi aki por a mira cada participante a demostra cu nan
tambe ta hungado di bowling y tabata bataya fuerte contra di
otro pa mira cua team lo sali victorioso. Tin cu no ta hunga
bowling, pero tin esunnan cu si ta hunga caba.
Coachnan tabata dirigi e participantenan na banda, ya cu nan
no tabata mag di participa. Por a mira con algun di e partici-
pantenan tabata rabia cu nan mes si nan no bay bon. Coachnan
tabata curasha tur participante pa nan haci nan miho esfuerso.
Publico cu tabata presente a disfruta di e weganan y tabata
apoya tur participante.

Atletanan di Aruba den BMX na Corsou

ORANJESTAD - Recientemente un delegacion den e deporte di BMX a biaha pa
Corsou unda nan a competi den un careda internacional.
Riba e prome dia di competencia e hoben Dudley Ras a logra keda na di 6 luga den categoria
expert entre 16 coredo, mientras cu Jaymer Carolina a keda den e 17 - 24 expert, tambe a
logra un di 6 luga den 15 coredo. Un otro hoben cu a core tabata Davey Croes den 15 expert
mientras el a yega den e rond di eliminatorio den 16 coredo. Mester bisa cu den elite Zaithyel
Soekandar a logra un di 3 luga y Feddison Flanders un di 5 luga.
Pa loke ta e resultadonan di diadomingo
Dudley Ras a sali na di 6 luga, Jaymer Carolina ta yega te den e ronda eliminatorio mescos
cu Davey Croes. Den elite Feddison Flanders ta logra un di 3 luga y Zaithyel Soekandar un
di 4 luga. E 3 atleta, esta Dudley Ras, Jaymer Carolina y Davey Croes, ta hoben ainda y den
pleno desaroyo mientras nan ta preparando pa eWeganan Hubenil Sur Americano di otro aña
na Chile.
Un danki sigur na Lotto, e Loteria di Aruba pa medio di Comision di Subsidio cu a subsidia e
biahe di e tres hobennan di BMX pa e competencia na Corsou.
Cumprando weganan di Lotto, e Loteria di Aruba bo ta contribui na deporte riba nos isla.

Meta di e fundacion ta pa organisa loteria, cambia bida di su
hungadonan y na mes momento inverti den deporte local pa
medio di donacionnan na e comision di subsidio. q