Page 3 - tmp

Diahuebs 6 Oktober 2016 Pagina 3

Baba Herde ta yama pueblo pa estupido..

Goberna pa crea debe ta hopi facil

Baba Herde ta bon, pero bon robez!

Baba Harde ta gusta trece declaracionnan ridiculo den publicidad. Den
su ultimo declaracion e ta bisa cu AVP a maneha e pais bon di 2009
pa 2017.

Pero, ta kico Baba kier meen? Maneha un pais bon riba DEBE? Ta
mescos cu un famia ta biba na grandi, creando mas y mas debe na
banco. Nan kier core auto luhoso y viaha rond mundo, pero cada vez
nan ta bay banco pidi mas y mas fianza. Esaki Baba ta yama bon? Wel
Baba ta bon, pero Bon Robez.

Un gobierno cu hisa e debe di un pais cu 4 biyon florin, automaticamente
ta benta esaki riba costo di bida. Aumento di debe kier meen mas
peso riba lomba di pueblo.

Nada straño con pueblo a wordo mocha cu medida tras medida di AVP.
Eliminacion di BBO a bira MAS! Awor e ta 3.5%. Pues? Baba Herde
mester stop di papia estupidez pasobra e lo bay haye mal sirbi.

E no bin pinta un scenario bunita, gobernando e pais, subiendo nos
debe. Esaki no ta nada di elogia! Ta pesey CFT a bini unda tin algun
Hulandes cu mester controla nos cada tres luna. Ta mihor Baba cera
su boca y cuminza pidi pueblo pordon di e debacle cu nan a hinca
pueblo aden.

Si Goberna kier meen crea debe, anto esey ta algo hopi facil pa haci.
AVP ta para na e banda robez! Y nan a hinca nos den 6 biyon di debe.

Na Corsou

HINCAMENTO MORTAL DEN
ANTILLENWEG

Ayera mainta mas o
menos 11:00 di mainta a
tuma lugar un discuscion
entre bisiñanan bibando
den e bario di Santa
Maria den vecindario di e
Snack Mi Lucha.

No tin masha informacion
riba e caso aki ainda
pesey nos lo duna algun
detayes so y warda riba
rapport di polis.

Aparentemente a surgi
un discusion entre dos
homber cu a caba den
hincamento. Caminda e
agresor a hinca su victima
por lo menos dos hinca.

Unu den lomba y uno den
pecho.