Page 3 - ARUBA AIRLINES

Hues a dicta caso di Aruba Airlines na fabor di Onno de
Swart pa di dos biaha

Wednesday, 07 September 2016 21:53
Comparti

Nos a combersa cu Onno de Swart, kende ta ex director di Aruba Airlines. Tin un situacion caminda cu el
a bay corte y a sali gana pa di dos biaha. Na aña 2006, Onno de Swart tabata un di e fundadornan di
Aruba Airlines. A keda bringa cu e aerolinea for di 2006 te cu 2010, ora cu a cuminsa opera cu un avion
chikito.

Na 2012, finalmente a cera un deal cu un grupo Venezolano y e idea tabata pa haci Aruba Airlines
grandi cu Airbus 320, cual ta existi awe. Pero na 2014 a sosode un problema chikito, un diferencia di
opinion cu a escala cu te na 2016 na comienso, e tapa a bula y laso a kibra. For di e tempo ey ta drenta
y sali den corte. E prome caso cu tabata tin contra de Swart, e grupo aki a gan’e. A logra kit’e como
director di e compania. Desde e dia ey, a yam’e pa ladron. Pa de Swart, a atach’e y for di e dia ey, si ta
e ultimo florin tin cu gasta pa defende su mes pa e por hustifica cu no ta ladron, e ora ey esey ta locual
cu a haci tambe y ta haciendo ainda. Diaranzon, pa di dos biaha, locual cu a pasa, a haya sentencia di
hues, cu pa di dos biaha, de Swart a wordo declara liber. No solamente esey.

Acusacion

De Swart a comenta acuse di a bay cu placa for di Aruba Airlines bay cune. Pero e placa aki, a bisa den
varios ocasion, cu e placa ey ta di de Swart y hues a dicta esaki pa di dos biaha cu e placa ta di de
Swart.

Loke a pasa ta cu na Februari tabata tin un disputa y a haci un aandeelhoudersvergadering, caminda cu
a aumenta mas accion y a saca e mayoria for di e man di e exsocio cu a fayece. Ta asina cu pa purba di
pone mas placa den compania, pasobra e Venezolanonan aki no tin placa. E compania ta bancarota.
Loke a pasa ta cu nan no tabata di acuerdo. Nan tabata tin nan punto y hues a duna nan rason pa
reverse tur e reunionnan ey y no aumenta e accionnan di e compania, resultando como accionistanan
mayoritario, a dicidi pa saca de Swart como director. Obviamente cu si tin un disputa cu e director, e
accionistanan mayoritario por dicidi pa sak’e afo y ta loke a pasa, segun Onno de Swart.

E placa e tempo ey cu tabata riba cuenta di de Swart, pa cera tur cuenta na Merca pa habri uno nobo,
for di e dia ey e no por a mishi cu e placa. E placa ey a keda riba su nomber. Riba e mesun dia cu hues
a dicidi cu no mag di mishi cu nada di Aruba Airlines, a dicidi pa keda cu su placa como verrekening y
nan lo mester a paga e diferencia ainda. Esey nunca a tuma luga. A cuminsa cu un guera cu de Swart
mester a pone su placa bek y a resulta cu e placa ta di dje. A bisa den varios ocasion dia cu a cera e
negoshi, ta asina cu ora cera un negoshi, ta bende pa un monto. Den e caso aki no tabata tin un monto.
A cera un deal caminda cu mester a paga debenan na tercera parti cu keda habri di compania, cu un dia
nan por bin cerca dje. Pa esaki nan mester a cover e parti ey. Nan no a cover e y ta desmenti y no kier