Page 6 - LOTTO 17 JUNE 2016

30 AWEMainta Diabierna, 17 Juni 2016

Prome wega di final a start den
stadion completamente yen

RCA a gana Dakota cu score di 1-0
Diadomingo awo ta dia decisivo pa e trofeo di campeon

E SISTEMA di final di futbol division di honor

ta “best out of three” pa cual e dos ekiponan cu
yega final por hunga te cu 3 biaha contra otro pa
determina kende ta e campeon.
E prome wega a tuma luga diaranson anochi y RCA
a resulta ganado cu un gol di Ronald Gomez na di
47 minuut di wega.

Cu e resultado aki awor, e siguiente wega lo ta
diadomingo awo cuminsando for di 7:00pm den
stadion Guillermo P. Trinidad.
Den caso cu RCA gana, automaticamente e final
a termina y nan lo bay cas mesora cu e trofeo. Si
SV Dakota gana diadomingo, lo tin un siguiente
wega riba diahuebs pa ey si determina kende lo ta
campeon di futbol division di honor.

E stadion tabata completamente yen, cu fanaticonan
di tanto RCA como Dakota.
Esey riba su mes ta un bon señal pasobra na final, ta
futbol ta sali e gran ganado di tur e apoyo y sosten
cu publico ta brindando n’e hobennan aki.

Arubaanse Voetbal Bond a percura pa un wega final
diferente, den cual e tribuna di honor tabata yen di
figuranan importante pa sostene e futbolistanan.
Na un forma impresionante a sali cu e bala, p’asina
duna inicio n’e weganan final di e division mas halto
den nos futbol local.

Mester menciona cu den tribuna tabatin ehecutivonan
halto di FIFA, CONCACAF, KNVB, asociacion di
futbol di Corsou y asociacion di futbol di Sint
Maarten cu a bin specialmente pa presencia e wega
importante aki.