Page 9 - SOLO

Diamars 6 September 2016 Pagina 9

Entusiasmo ta grandi entre e hobennan!

Good4the Neighborhood Sport Edition a tene un
“Meet & Greet” cu tur e participantenan

Aruba Bank cu su proyecto
“Good4the Neighborhood
Sport Edition” den su di 7
edicion ta hopi contento di
por anuncia cu riba Dialuna
5 di September a tene
un “Meet & Greet” cu e
representantenan di 6 school
cu lo ta participando e aña
aki.
Durante di esaki a haya
oportunidad pa cada un di
e hobennan cera conoci
cu otro participante- y nan
coordinadornan di Aruba
Bank G4N 2016.

E 6 (seis) schoolnan cu lo
ta participando ta Filomena
College Mavo, IBERO
American Highschool, S.P.O.
Sta. Cruz, Maria College,
Colegio San Antonio y
Colegio San Nicolas.

E “Good4the Neighborhood
Sport Edition” e aña aki ta
bay conta cu un concepto
caminda e studiantenan
lo tin cu presenta un plan
di accion pa encurasha e
comunidad di Aruba pa biba
un bida activo.

E plan lo mester defini con nan
lo bay stimula e comunidad
pa ta activo fisicamente,
esta haci movecion.
Good4theNeighborhood
Sport Edition lo duna e
hobennan e libertad pa
expresa nan creatividad
y scoge nan ‘target’ for di
nos comunidad. Pa esaki
e studiantenan tin 3 siman
pa traha y presenta nan
proposal. Despues di esaki
nan na haya na ‘green light’ pa
después ehecuta e proposal
den nos comunidad.
Durante e “Meet & Greet”
por a mira e gran interes
cu e hobennan tin pa cu e
proyecto aki. Nan a laga sa
di ta hopi entusiasma y ya
caba nan ta den proceso di
brainstorming.

Aruba Bank kier desea e
participantenan hopi exito
cu “Good4theNeighborhood
Sport Edition”.