Page 1 - AM201104
P. 1
November 4, 2020
www.awemainta.com
www.facebook.com/awemainta
noticia@awemainta.com
583-1400
GOBERNADOR ALFONSO BOEKHOUDT,
CU BISHITA DI TRABOU NA EPB SAN NICOLAS
DIAMARS MAINTA, EPB San Nicolas tabatin e honor
di ricibi Gobernador, sr. Alfonso Boekhoudt pa un bishi-
ta di trabou. Director di EPB San Nicolas, señor Rensley
Mathilda conhunto cu Presidente di Fundacion Educacion
Profesional Basico (S.E.P.B.) sra. Josette Daal a ricibi sr.
Alfonso Boekhoudt. Den “docentenkamer” di scol a sigui
cu un splicacion riba e vision di EPB y e vision y mision
specifico di EPB San Nicolas. Tambe a duna splicacion
riba e maneho di enseñansa digital y con e scol a soluciona
e retonan den esaki.
Durante Gobernador su recorido riba e tereno di scol, dos
alumno di e unidad tecnico a duna splicacion tocante e
proyecto cu ta carga e nomber ‘The Solver’.
Durante e pandemia, alumno y docentenan di e unidad Tec-
nico di EPB San Nicolas a inventa un watercooler conforme e
reglanan di DVG encuanto seguridad y higiena. Como resul-
tado tur alumno por bebe awa fresco haciendo uso di e ‘Solver’.
Tambe Gobernador por a mira con na EPB San Nicolas
ta biba den union cu naturalesa y con ta cuida medio am-
biente. Por ultimo EPB San Nicolas a haci entrega di un
bunita obsekio den forma di un cas di cunuco na Goberna-
dor Boekhoudt.