Page 4 - SJA JULY 26

Amienda pa proteha herederonan di impuestonan inhusto tambe lo wordo presenta
pa PDR
Monday, 25 July 2016 12:41

Comparti

E lider di Partido Democracia Real Andin Bikker a menciona den rueda semanal di prensa, cu e ta bay
presenta un amienda pa proteha e herederonan di cobranzanan inhusto di impuesto, relaciona cu
herencia.

Andin Bikker a splica cu e envergadura djis na papel ta hopi hopi diki, y den dje lo tin e modernizacion di:
Ley di Herencia, Leynan di Trust, caminda lo wordo introduci e concepto Anglo American’s Trust, cu ta
un concepto di leynan di Merca y Inglatera, ademas lo introduci diferente ley pa loke ta regarda seguro, cu
ya pa hopi tempo caba Curacao y Sint Maarten a introduci. “Entre nan tin dos ley cu nos mes ta
presentando un amienda, pa proteha herederonan cu sin sa cu ora nan hereda nan por bay Corte y bisa cu
nan ta acepta e herencia solamente si tin saldo positivo y si tin debenan nan no ta acepta e herencia. Esey
ta pone cu hopi hende ta haya nan mes confronta cu debenan cuantioso pasobra e sistema di belasting aki
na Aruba, ta inhustamente hinca den otro.

Si un persona habri un emanzaak, y e no bay camara di comercio pa registre y bisa cu e negoshi no ta
funcionando bon, Belastingsdienst mes ta bisa bo cu nan mes ta calcula e supuesto ganashi pa bo. Si e
heredero ey fayece y e no a protesta riba e supuesto debe di belasting aki, su herederonan ta haya nan mes
confronta cu siento di miles di debenan inhusto, pero cu ta existi den e buki di belasting. Y asina aki tin
cantidad mas di heredero cu ta confronta cu debenan di belasting cu nan no tabata sa” Andin Bikker a
bisa. E parlamentario a splica cu na Hulanda, prome cu e summer reces, un par di siman pasa, nan a pasa
un ley unda nan ta proteha e herederonan contra e tipo di debenan asina inespera.

“Nos di PDR a dicidi pa tambe introduci un amienda pa proteha e herederonan di e dimension indesea
aki. Los di esey, den e Codigo Civil ta bay bin un modernizacion di e ley di herencia, cu tambe lo yuda nos
pueblo grandemente. Esaki ta e herencianan pega pa decadanan. Cuanto di nos no conoce terenonan of
casnan di famia cu ta bisa cu nan kier haya nan parti, cu nan a haya un cumprado, pero di repente ora nan
busca den Censo tin como 10 pa 14 hende cu no sa unda nan ta. Añanan ta bay anto diripiente otro
familiar a fayece y mester wak cuanto yiu tin heredero pa na firma. Den e Codigo Civil cu ta bay wordo
cambia aworaki ta bay tin un regeling, specificamente pa e herencianan cu ta mal pega” Andin a splica