Page 34 - MIN ON

Universidad casi tur cos ta haciendo online awor aki. Una bes cu aplica, ta bay haya un carta
caminda cu ta bisa tur cos cu tin mester, manera ya menciona, e ora ta bay eynan cu tur e
documentonan. E diploma, cijferlijst, carta di motivacion pa e estudio cu a scoge, pasfoto, copia di
paspoort y papel di cinco florin di censo.
Tin un grupo basta grandi di Venezolano y e ta un proceso hopi largo. Nan no por inscribi un dos,
pasobra ta duna preferencia na esnan cu ta nacionalidad Hulandes. Nan opleiding ta diferente.
Semper ta haya un controle di departamento di onderwijs, diploma evaluatie pa por wak y evalua
nan diploma. A ripara cu banda di e Venezolanonan, tin hopi mucha di cas mes, no solamente di
Colegio Arubano of EPI, pero tambe ta haya muchanan di De Schakel, di International School. Mas
y mas hende ta duna mas elogio of nan ta wak con universidad ta bezig y nan tin mas atencion pa
esey, segun Charisse Hoen-Daly.