Page 3 - WEB JULY 4

Director Luis Oduber: WEB lo sinta na mesa cu Citgo
ora yega asina leu pa papia riba gas

on: July 03, 2016In: Local1 Comment
Print Email

Un tema cu sigur WEB lo combersa cu Citgo, ta gas ora yega asina leu. Segun director di WEB Luis
Oduber, un cos ta haya gas y tambe na ki prijs ta hay’e. El a sigui splica cu ta by wak e prijs final, e
prijs cu lo tin cu paga na cura di WEB. Si e bin via barco of via refineria, e prijs cu wordo entrega na
WEB esey ta loke nan ta bay paga pe. Esun di mas beneficioso ta loke WEB ta bay opta pe.
WEB no ta cla ainda cu nan tin ekiponan pa bay riba sistema di gas. Oduber a splica cu na
momento cu nan ta wordo garantisa, contractnan firma, e momento ey nan lo bay cuminsa cu
proyectonan, cu un biaha mas ta rekeri inversion, pa nan por comberti nan ekiponan existente pa
por draai riba gas of eventualmente si mester, reemplasa ekiponan completo, pa bay riba gas.
Naturalmente tur eseynan ta modelonan grandi financiero cu mester hinca, caminda cu tin cu tene
cuenta cu inversionnan cu tin cu paga bek, na ki termino, na ki prijs ta haya gas y ki e
consecuencianan lo bay tin pa consumidor. Esey ta algo cu nan a bolbe bisa tur e proyectonan ta
evaluanan riba e tres puntonan di RAS (Reliability, Affordability, Sustainability). Ora bay evalu’e tur
dos, lo mester wak cu e inversion y pagonan etc. no lo mag di tin impacto cu por aumenta e tarifa.
Sea e ta mantene of ta reduci esaki, Oduber a splica.