Page 57 - SJA OCT 20

Tweede Kamer ta cuestiona Minister Plasterk: Relaciona cu
procedura di nombracion di gobernador di Aruba

Wednesday, 19 October 2016 19:29
Comparti

Apesar cu Minister President Eman y Minister Plasterk a reuni riba e tema di nombracion di gobernador

y a conclui pa evita mas polemica riba e tema aki, Parlamento Hulandes si ta keda investiga con Minister
Plasterk a atende henter e asunto aki. Mientrastanto ta generalmente conoci cu Minister Plasterk no ta
sigui e procedura prescribi pa e propio conseho di ministro di reino den asunto di nombracion di
gobernador. Cardinal den e stipulacion di e proceduranan aki ta cu e candidatonan pa gobernador
semper mester wordo proponi dor di e pais pa cual e gobernador ta wordo nombra. Den e caso specifico
di Aruba, e hecho cu Hulanda a bin cu e candidatura di Alfonso Boekhoudt ta liña recta contra e
proceduranan cu e propio conseho di ministro di reino a stipula. Awor e asunto aki ta hayando atencion
tambe di miembronan di Twede Kamer. For di e fraccion di CDA, Minister Plasterk a haya preguntanan
oficial riba e procedura cu a sigui den nombracion di gob ernador di pais Aruba. E miembro di
Parlamento di CDA a cuestiona Minister Plasterk si a sigui e procedura normal pa yega na nombracion di
gobernador y si a envolvi Aruba den esaki. E pregunta cardinal cu e Parlamentario ta haci ta si e
gobernador cu a wordo nombra ta bini a base di un propocision di Aruba. E pregunta aki ta esun cu ta
bay trece minister Plasterk den problema pasobra ta bay sali afo cu el a viola e propio procedura di
stipula for di conseho di ministro di Reino. Den e preguntanan tambe ta wordo poni hopi enfoke riba e
necesidad pa tabata tin un acuerdo cu Aruba pa yega na nombracion di un gobernador pa e pais. Manera
e preguntanan ta formula ta bisto cu Parlamento ta warda e contestanan pa asina por bay hiba e asunto
aki di violacion di procedura mas leu. No ta descarta cu esaki por bira e siguiente crisis pa Minister
Plasterk den politica na Hulanda y trece un mancha mas riba e forma con nombracion di gobernador di
Aruba a bay. Aparentemente Minister Plasterk no a notifica tampoco e consehi di ministro di Reino cu
Aruba no tabata di acuerdo cu e nombracion. Un carta cu e wordo manda pa notifica conseho di reino di
e hecho cu e procedura a wordo viola, cu esaki ta bay causa hopi problema pa aceptacion di un
gobernador cu ta wordo imponi di e forma aki, no a wordo comparti cu e miembronan di conseho di
ministro di Reino. Tur esaki ta indica cu tabata tin un strategia di bulldoze e nombracion di Alfonso
Boekhoudt‎(Cu su Consentimento) y awor ta biniendo na cla. Apesar cu prome Minister Mike Eman pa
buena marcha pa e relacion den reino pero acepta un disculpa di Hulanda cu nan ta viola un proceso, y
pa cara di rey no a demanda pa revoca e decreto real, tog por mira awor cu for di propio parlamento di
Hulanda, e asunto aki ta wordo seriamente cuestiona y no ta exclui cu finalmente tog ta conduci na
unambiente di desconfianza grandi cu ta haci cu e gobernador aki ta bira inaceptabel pa comunidad
Arubano. Mester keda pendiente pa e ultimo desaroyonan pasobra tin mas documentation cu awor ta
mira luz di dia cu ta prueba cu minister Plasterk a viola reglanan fundamental di bon procedura ancra
den un decision di propio conseho di Reino.