Page 1 - AWEMAINTA
P. 1
CARNAVAL 63
A SALI CU BON PIA
Januari 9, 2017
www.awemainta.com
www.facebook.com/awemainta
noticia@awemainta.com
583-1400
DIASABRA ultimo, SMAC a duna inicio n’e
prome actividad di Carnaval 63 di Aruba. Mester
bisa cu e Parada di Flambeu a sali cu un bon pia,
cu maske e salida a sali cu 15 minuut laat, e ultimo
grupo a bin drenta pa 1.30. Manera Polis a duna
di conoce e biaha aki tabatin 50% di detencion
compara cu aña pasa, loke nifica hopi bon com-
portacion di tur hende.
E aña aki, e grupo di mas aña participando ta
Los Laga Bai, pa cual Robert Jeandor di su Solo
Banda Show a composite un cancion special p’e
hubileo aki, y a haci entrega dilanti camaranan
di TeleAruba n’e te ainda fundadornan activo,
manera Emile de Cuba Sr. John Fingal y Yolanda
Henriquez, kendenan a haya copia di e CD cu e
cantica: Dun’e su Sapato. Otro aña ta Robert y
su Solo Banda Show lo cumpli 25 aña, tocando
pa Los Laga Bai.
Algo di lamenta tabata e hecho cu e trailer di Bule-
ria, su 4 tirenan, ta mustra a ser corta pa malo.
Esaki ta ser investiga, pa determina ta pakico? Por
lo general, tur hende a goza di un bon comienzo
di Carnaval 63.
