Page 12 - KPA

Diahuebs mainta,
un homber cu arma blanco den su poder a presenta na cas di un dama na Washington y cuminsa
busca problema. Den esaki e homber a topa cu un otro persona y aki problema a start y tiramento di
mokete. E homber cu a busca problema a logra haya un mokete den cara y a core bandona e sitio.
Polis a cuminsa busca den bisindario pa su paradero pero sin ningun resultado. Rato despues e
homber a bolbe presenta na e cas y aki polis a haye riba tereno di hende y a detene mes ora. A
haya cuchiu den e homber su poder tambe. El a keda transporta pa warda di Polis.42

luna di prizon pa homber sunu cu

mucha muhe menor di edad
BY: LOOP NEWS
14:49, February 16, 2017
135 VIEWS

De los Santos a ricibi 42 luna incondicionalmente:

E caso di e homber De los Santos, kende a sali den medionan di comunicacion y tambe social
media, na momento cu el a wordo gara sin su pañanan bisti, a wordo trata awe mainta y pa esaki
hues a tuma su decision. Normalmente ta duna 24 luna cera, pero e caso aki tabata tin rasonnan di
peso pa hues a duna 42 luna cera.

De los Santos a ricibi 42 luna incondicionalmente, kitando e tempo preventivo cu e tabata tin cera
caba. Durante e caso aki a tene cuenta cu su potret a sali tur caminda riba internet/social media.
Pero tambe e hecho cu ya for di tempo e victima tabata tin 13 aña el a purba di 'brijp su mes aan' na
e victima. E caso ta uno cu a shock comunidad. E sospechoso no tin nada cu por uza na su
defensa. Tambe a tene cuenta cu e victima ta keda emocionalmente afecta pa resto di su bida. E
condena tabata pa dos cos: Intento di violacion (victima tabata tin 13 aña, tempo cu el a logra di
scapa for di e sospechoso) y tambe relacion cu un menor di edad (bao di 16 aña). Actualmente e
victima tin 15 aña. Hues ta haya cu e sospechoso mester siña controla su gana. Pues e castigo ta
keda na 42 luna kitando e tempo cu el a sinta caba.