Page 14 - MIN ON

Michella Steenvoorde Lacle, Candidato Di POR: Tur

Mucha Tin E Derecho Riba Un “Fair Chance” Den

Bida

 Politica
- 22/05/2017
Rond di mundo, miyones di mucha ta preso den un circulo di desventaha cu ta persigui
nan dor di generacion di mal planificacion. Esaki ta pone no solamente nan futuro den
peliger, pero mas aun e futuro di e sociedad cu nan ta biba den dj’e.

Un di e fayonan di mas grandi entre nos islanan, na unda Aruba no ta forma un
diferencia, ta e falta di cifranan concreto cu ta disponibel pa mehoracion, segun Michella
Steenvoorde Lacle.

Aruba ta conta cu 58 organisacion cu ta traha cu mucha y/o muher den dificultad, y ta
haci trabao segun nan forsanan. E punto cardinal ta falta di fondonan pa sigui cu e trabao
manera debe ser. 83 scol cu un total di 22.000 mucha ta e situacion diario cu Aruba su
sociedad ta confronta. Klasnan cu ta demasiado yen pa por tin un trato adecua pa cada
pilar di loke ta forma e futuro di nos generacion. No tin cifranan disponibel riba cuido,
maltrato di mucha, muchanan indocumenta, muchanan sin un direccion fiho y registra.

Aruba ta carece di registracion di e peliger di Internet, muchanan cu ta haya nan mes den
contacto cu un pooier y a base di esaki ta cay den un mundo baho. Muchanan cu ta
envolucra cu casonan di delincuencia. Dor di falta di cifranan e situacion di e muchanan
no por wordo monitoria y e situacion no por wordo mehora, sra. Steenvoorde Lacle ta
splcia.

Pa señala e aumento substancial den negligencia di e mucha, malatrato, abuso sexual y
violencia domestico, mester tin un mihor sistema informativo ahusta na e diversidad
cultural di nos sociedad. Un meldcode pa abuso di mucha. Abuso no ta solamente
maltrato físico e ta tambe e no percura pa e mucha asisti na su educación.

Enseñansa obligatorio ta wordo introduci y mester por wordo controla cu exactitud.

E asistencia escolar di e mucha y e hoben ta di mucho mas balor si a base di cifranan por
yuda na yega na e punto di e problema, e pakico e mucha no ta na scol.