Page 15 - MIN ON

Unificando tur e organisacionnan cu por participa den e desaroyo di e mucha, pa asisti e
docentenan y sirbi di e punto di coordinacion pa cu e problemanan social ta bira mas
visible y controlable dor di e sistema informativo aki, e candidato di POR ta sigui splica.

E formacion y e desaroyo di strategia den enseñansa ta un trabao di tur. E mehoracion di
e calidad di bida di cada mucha ta nos preocupacion.

30% di e studiantenan ta dropouts. E planificacion social y psicológico pa rehabilita
muchanan cu a abandona su estudio, ta stop di studia of ta keda expulsa mester keda e
opcion pa mehoracion.

Un simpel adaptación pa haya un di dos oportunidad den un educacion special ta
escencial pa un desaroyo económico y social sano. Ta keda importante pa tin mas
oportunidad di actividadnan adicional na scol, na unda ta educa y tambe recrea, sra.
Steenvoorde Lacle ta mustra.

E formacion di un comunidad no ta termina na momento cu e bel zona, al contrario ta e
ora e ta cuminsa den un diferente categoria. E participacion di e hoben den comunidad di
un forma responsable ta vital. E integracion a base di maneho controla di e aporte di e
hoben riba nivel social lo yuda na cambia e sociedad. E sociedad sano ta inicia na e cuido
den prome instancia di e mucha. E mester sa su derechonan y comunidad mester ta mas
consciente di esaki.

No por mas cu abuso verbal encontra di e muchanan. E daño ta grandi.

Negligencia di e mucha no por wordo acepta mas. Leynan mester wordo adapta pa
proteha loke ta e base di Aruba su mayan. Un plan social na unda tur ta participa pa
mehora.

Un mucha sin cuminda na scol no lo keda permiti. Y e cambio den esaki ta di nos pa
percura cu na unda no tin lo bin. E prioridad den bida ta disciplina y con pa resolve
conflicto, pa e mucha e ta respet sin limitacion. Un dia di sabiduria, un mucha sin
problema cu e fundamento corecto pa un Aruba consciente, Michella Steenvoorde Lacle
ta conclui.

S