Page 19 - MIN ON

E edad maximo pa bin na remarca pa Arubalening semper tabata
stipula na 30 aña. Awo a haci e posibel pa personanan te cu 35 aña tambe por aplica y
bin na remarca pa un Arubalening den caso cu esaki ta pa studia na un
di nos institutonan local cu ta wordo reconoci pa ley.

E adaptacion aki ta forma parti di
e maneho pa hisa acesibilidad di enseñansa pa nos poblacion p’asina un grupo mas grandi
di hende tin aceso na financiamento pa studia riba nivel di enseñansa superior.

Minister Michelle Hooyboer-Winklaar ta masha contento cu e proceso y e resultado final
cu awor ta formalisa na beneficio
di nos studiantenan. Segun e mandatario e punto di salida semper ta loke ta na interes
di nos studiantenan y alabes teniendo na cuenta loke ta responsabel pa pais Aruba.

E titular di Enseñansa a gradici su colega Minister di Finansa y e comision y
e departamentonan cu a traha den un team multi disciplinario pa realisa e
ley importante aki y ta convenci cu esaki lo tin un impacto
positivo pa nos studiantenan, profesionalnan hoben y consecuentemente riba desaroyo di
nos pais.