Page 16 - UTILITIES_Neat

Utilities Aruba, WEB, NV Elmar y Refineria di Aruba a uni den 2 proyecto grandi

ORANJESTAD(AAN)– “Esaki ta e caminda cu nos ta canando e ultimo añanan y mi ta
masha orguyoso di mira companianan di utilidad cana e mesun ruta pa hunto nos logra
e mesun metanan”, asina Minister Ing. Mike de Meza, encarga cu maneho di Turismo,
Transporte, Energia y Medio Ambiente a bisa despues di a testigua firmamento di inicio

di dos proyecto grandi. Ta trata aki di e proyecto di “Sunrise Solar Park” na Lago
Heigths di WEB y e proyecto “ICT Infrastructure & Data Center” entre WEB y e
compania Dell.

Den e prome acuerdo, Refineria di Aruba N.V. a pone un tereno grandi disponibel pa
WEB por instala e parke solar mas grandi den Caribe, di 5.9MW, di 92 mil meter cuadra
y cu ta costa 16 miyon florin. E lo ta cla den 8 luna di tempo. Na final, 5% di e red di
coriente produci na WEB lo ta procedente di solo mientras cu 18% lo ta di biento!