Page 18 - MEDIA MONITORING JULY 18TH, 2018

Diaranson, 18 Juli 2018 AWEMainta 5
Awa no ta yobiendo den e dianan aki, manera a spera. Solo ta mas cayente cu nunca. Na opinion di Prome Minister Evelyn Wever Croes, esaki ta falta di Gobierno di AVP, cu no a investiga esaki.
++++++++++++
Hopi hende cu nos a topa ariba caya a expresa nan felicidad cu Otmar a pone un bari cora cu geel envez di un bari blauw cu tambe lo por tawata bon bini pa tira sushi aden ya cu aki e ta cumpli cu su deseo di sigui ridiculisa e partido MEP. BOSO tin cu sigui guli y manda abou TUR loke cu e haci cu boca cera, pa esnan cu NO conoce ainda falta pa bay conoce hopi mas
++++++++++++++++++
E noticia mas positivo di siman pasa tabata cu Minister di Husticia Andin Bikker a logra haya Parlamento completo, esta a sa di uni tur partido pa mira den un solo direccion. No laga Hulanda mishi cu nos sistema hudicial, bao di e capa di cambia e protocol di RST, unda Hulanda kier mas di bisa.
+++++++++++++++
Loke tambe tabata otro ridiculez, ta ora cu mesun Minister Andin Bikker a culpa su predecesor di no a percura pa e.o. Wardanan di Polis no a haya Wi-Fi. Algo cu no ta tarea un Minister, pero di e Hefenan di Departamento.
Pesey awor nos a tende cu den e Wardanan di Polis, no tin suficiente pen p’e Polisnan por haci nan trabao. Minister Andin Bikker mes lo bay cumpra e pennan aki awor?
++++++++++++++
Habri Caya Grandi, no ta un solucion pa hopi hende. For di tempo cu a bisa cu lo condena e trafico den Caya Grandi, e ta destina pa muri. Tuma ehempel di e.o. Breedestraat na Corsou, tuma Lincoln Ave na Miami, tur a muri, ora a dicidi di elimina trafico.
Pakico no ta haci Playa un ciudad tax-free? Cambio di orario, tampoco ta un solucion. Fuera di esey e cambio di orario aki, maske ta ser bisa cu e no ta nada nobo, e no a wordo debidamente splica. Pasobra e Chineesnan ta masha contento, maske nan tin e permiso caba pa keda habri te mei anochi caba.
+++++++++++++++
Danki na Tele Aruba, pueblo por a sigui y mira e weganan di Mundial Russia 2018. Y sigur n’e sponsornan. E critica cu tin ta, pakico e comentaristanan, siendo Arubiano, no por papia Papiamento. Nan kier show off, cu nan a biba tempo na Hulanda, y ta usa termología na Hulandes. Pakico?
Y siendo cu e aña aki a keda proclama como Aña di Papiamento.
+++++++++++++
Papiando di Papiamento, algún dia pasa, Minister di Husticia, mr. Andin Bikker a duna di conoce cu den cadena di husticia,
tin hopi di nan cu tin “taalbarriere”, esta cu e.o. tin hopi Polis cu no por ni traha un procesverbaal na Hulandes of miho dicho na bon Hulandes. E remarca aki a cay den mal tera cerca hopi Polis cu no a gusta e remarca aki..
+++++++++++++++++
Aparentemente Parlamentario Endy Croes no sa su trabao como Parlamentario, ora e ta reclama cu el a haci hopi pregunta for di maart na ATA y te awe e no a haya contesta. Ta logico, pasobra ATA no mester responsabilisa nan mes na ningun Parlamentario, pero loke cu Endy Croes mester haci ta, haci bo preguntanan na Minister concerni, y den e caso aki Dangui Oduber.
++++++++++++++
Un pregunta cu nos a haya, cu Chicote ta kere cu e ta valido: Tabatin un destaho publico pa cumpra e mini-containernan pa recoge sushi? Serlimar a paga esaki for di su propio presupuesto?
Chicote lo a aprecia si por haya contesta riba e preguntanan aki.
++++++++++++++++++++
Drs. Paul Croes, pasobra el a haya un caha di cerbes regalo, e ta ser acusa di acto fraudulento. Awor con lo yama un Minister, kende a haya un biahe gratis, bulando pa Medellin, cu Learjet priva? Ningun musca ta bula. No por, ta di spera cu Hues den caso di Paul Croes tuma nota di esaki tambe. +++++++++++++++++
“Ki dia nos ta haña un gobernante asina’ki?”
Un ferviente lesador di Chicote, kende ta masha al tanto di loke ta noticia rònd mundo a haci e pregunta mencioná ariba y a splica dicon el a haci e pregunta, net awor den momento di crisis na Aruba.
Sra. Kolinda Grabar-Kitarovic
ta Presidente di Croacia y
manera el a subi na poder el a
haci e siguiente gestonan: 1. El
a bende e avion presidensial; 2.
El a bende 35 Mercedes Benz
cu Ministernan tabata usa;
3. El a hinca e sèn den caha
di Gobierno; 4. El a baha su
salario di dje y di su Ministernan cu 50%; 5. El a baha e gasto y salario di Embahador y Consulnan cu 60%; 6. El a aumentá salario minimo pa sector privá; 7. El a eliminá pensioen di e Senador y Congresistanan y 8. E ta papia 7 idioma y no tin aire di superioridad y actitud sobervio cu ningun hende. Lesadó di Chicote kier sa: “Dicon nos no ta pidi Croacia p’e fia Aruba nan Presidente maske ta pa algun dia pa siña nos gobernantenan incompetente con mester actua ora nan ta na poder y pais ta den crisis!”