Page 69 - MEDIA MONITORING JULY 18TH, 2018

WILLEMSTAD,- Partido polítiko ulandes PVV, di Geert Wilders, a pidi sekretario di estado Raymond Knops (Relashon di Reino) ayera pa intervení na Boneiru. E partido a pidi Knops pa kita miembronan di Konseho Insular i tur diputadonan for di nan posishon i duna tur poder den man di gezaghebber
Edison Rijna.
Lider polítiko di PVV
Geert Wilders ayera huntu ku parlamentario Machiel de Graaf di su partido a manda karta pa Knops. Knops den un karta na Parlamento ulandes djaluna pasá a skirbi ku diputadonan no ta tuma e medida ku nan tin ku tuma. Segun Knops diputadonan
na Boneiru a bis’é ku nan lo drecha e situashon na e isla en kuestion. Pero segun PVV Ulanda no mester warda riba e polítikonan di Boneiru, pero tuma akshon inmediatamente. Meskos ku na Sint Eustatius sinku luna pasá PVV ke pa Ulanda intervení den e sistema demokrátiko di Boneiru.
Partido PVV no tin
konfiansa den e palabranan di polítikonan di Boneiru. Segun nan Ulanda no tin ku duna niun depchi mes na Boneiru, si e situashon polítiko no ta mehorá.
Manera ta konosí gabinete ulandes ta hopi preokupá ku e rapòrt di Reshèrshi di Reino ku a sali luna pasá. For di e rapòrt ta sali na kla ku ámtenarnan
na Boneiru ta arbitrario ora ta duna pèrmit. Segun Knops Boneiru no tin adelanto ora ta bai pa bon gobernashon. E sekretario di estado pa algun tempu kaba ta eksigí un ‘aktitut aktivo i íntegro di gobernantenan’ na Boneiru. Te ainda Knops no ta mira nada di un aktitut asina. Knops a bishitá Boneiru dos siman pasá.
Djarason 18 Yüli 2018
43
Den karta na sekretario di estado
Partido di Wilders ke pa
Ulanda intervení na Boneiru
I kita polítikonan for di nan posishon
Ambasador di Merka serka Promé Minister Rhuggenaath
WILLEMSTAD. - Djadumingu 15 yüli 2018 e Embahador merikano enkargá ku Reino Ulandes a bishitá Promé Minister Rhuggenaath. Na desèmber 2017 sr. Pete Hoekstra a keda nombrá Embahador di
Merka pa Reino Ulandes. Su embahada ta situá na Den Haag.
Minister Rhuggenaath tabatin un kombersashon hopi positivo ku e Embahador. Diferente tópiko a bini riba mesa entre otro:
relashon bilateral entre Kòrsou i Merka; promoshon di i invershon den komersio; refineria i e koperashon ku Merka durante orkan Irma.
Merka ta un partner importante pa Reino Ulandes i Kòrsou. Tin koperashon entre otro riba tereno di komersio, seguridat i edukashon. E presensia di Konsulado Merikano na Kòrsou (Gorsiraweg) tambe ta asentuá e bon relashon importante ku Kòrsou tin ku Merka.
...Embahador Pete Hoekstra ku Promé Minister Eugene Rhuggenaath...
...Kònsùl General Margareth Hawthorne, Embahador Pete Hoekstra, Promé Minister Eugene Rhuggenaath i Embahador di Ulanda Henne Schuwer...