Page 48 - MEDIA MONITORING JULY 16, 2018

38
Djaluna 16 Yüli 2018
Minister Steven Martina:
‘Tin hopi interes na Trinidat
pa traha huntu ku Kòrsou’
WILLEMSTAD.- Minister Steven Martina (Desaroyo Ekonómiko) resientemente a bai Trinidat huntu ku un delegashon ku a konsistí di MEO, KTK, CTB, Curinde i algun kompanianan privá. E delegashon a partisipá na e ‘International Trade Fair’. Martina: ‘E feria ta un di e eventonan grandi kaminda komersiantenan i negoshinan ta topa otro. Tabatin mas ku 500 negoshi ku a partisipá.
Durante di kuater dia di feria mas ku 15.000 hende a partisipá. Komo Kòrsou nos a konsiderá ku ta importante pa partisipá na e feria. Den e sentido ku nos ta konsiderá Trinidat en bèrdat komo un merkado importante pa e parti turístiko, pero tambe pa e parti di hasi negoshi.’
Durante e feria Curinde i CTB a duna un presentashon di Kòrsou. ‘Nos por bisa ku e atenshon pa Kòrsou
tabata grandi. Diferente hende a partisipá na e presentashon ei i mustra interes den Kòrsou. Kòrsou tabatin diferente stènt tambe. Spesialmente den e último dos dianan di e feria tabatin hopi interes di bishitantenan pa ku Kòrsou. Pero tambe e komersiantenan.’ Segun Martina komersiantenan tabatin interes pa parti di Free Zone i tambe tur benefisionan ku Kòrsou ta
brinda pa invershonistanan. ‘Tambe nos tin ku bisa ku tin hopi interes pa e parti turístiko. Trinidat tin Kòrsou hopi haltu den evaluashon pa loke ta trata produktonan turístiko. Konkretamente nos a papia tokante Curaçao North Sea Jazz Festival i posibilidatnan pa charter dor ku e ‘tour operator’ ta mira sufisiente interes pa yena avion for di Trinidat na Kòrsou. Tur
di esakinan ta forma parti di e kombersashonnan ku nos a hiba.’ Segun Martina e bishita na Trinidat tabata eksitoso. ‘Konsiderando e interes desplegá i tambe e palabrashonnan ku nos tabatin. I relashoná ku e posibilidat ku den futuro nos por sigui traha riba diferente tópikonan i den e forma ei estrechá e lasonan komersial i turístiko entre Kòrsou i Trinidat.’
Shofùr ta pèrdè kontròl resultá den awa ku vehíkulo
WILLEMSTAD.- Djasabra mardugá alrededor di 2’or polisnan mester a bai pa Kaminda Don Martina
(Nieuwehaven) pa un vehíkulo ku mester a pèrdè kontròl i bai resultá den awa. Shofùr di e vehíkulo
a sali heridá i tabata keha di basta doló. Rápidamente ambulans a yega na e sitio i a duna e víktima promé
Komersial i turístiko
asistensia pa despues transport’é pa poliklínika pa mas tratamentu médiko.
Forensys a keda pidí na e sitio pa asina por a registrá e aksidente aki i
tambe hasi investigashon kiko por tabata e kousa ku e shofùr a pèrdè kontròl i bai resultá den awa ku su vehíkulo.
Despues ku yudansa a saka e vehíkulo for di awa.