Page 17 - MEDIA MONITORING JULY 12, 2018

12 AWEMainta Diahuebs, 12 Juli 2018 Gobierno a reuni cu asociacion di ingeniero y architecto y KvK
A trata e.o. e tema di modernisacion di sistemanan di diseño y construccion
MINISTER di Asunto General conhuntamente cu Minister di Infrastructura y Medio Ambiente a reuni cu ADIAA cu t’e Asociacion di Ingeniero y Arkitecto di Aruba y Camara di Comercio (KvK), pa pasa riba diferente punto, idea, recomendacion y preocupacion di e dos gruponan aki.
Durante di e reunion diferente elemento sumamente interesante y importante pa nos Pais a wordo treci dilanti.
P.e. e regulacion di arkitecto y ingenieronan na Aruba como tambe e regulacion di e sector aki. Un punto di enfoke di e grupo aki tabata e potencial inmenso di tin un sistema efectivo y eficiente pa locual ta trata e economia di Aruba. Considerando e realidad cu ta trata un Pais cu den grandura lo no crece mas, cual ta trece cu nos ley y sistemanan di construccion y diseñonan mester por wordo adapta pa tempo moderno.
Mandatarionan presente a duna di conoce cu seguramente tabatin oido y comprension pa locual t’e puntonan treci dilanti. Y ta indica cu ya caba den reunionnan den pasado a tuma e puntonan aki den consideracion y a incorpora nan den algun di e manehonan cu a wordo publica manera e ‘technisch beleid’ di DOW.
E reunion tabata fructifero y informativo y ta refleha e importancia pa Pais Aruba keda den contacto estrecho cu partnernan clave cu den e caso aki t’e ingenieronan y KvK.
Cu ta forma parti di e proceso aki pa salvaguardia e bienestar di e economia y conhuntamente colabora cu Pais Aruba riba esaki.
A keda palabra cu lo keda haci e tipo di encuentronan aki p’asina intercambia informacion y informa di trabounan cu ta wordo haci.