Page 32 - MEDIA MONITORING JULY 09, 2018

DEPORTE A19
Tenista Alexson Hessels competiendo den varios torneo internacional
Dialuna 9 Juli 2018
ORANJESTAD - Manera ya ta conoci, actualmente un delegacion di tennis ta na Bahamas, unda nan ta competiendo den un torneo organisa pa e federacion mundial di tennis, International Tennis Federation.
E hoben tenista elite di Aruba, Alexson Hes- sels ta representa nos isla den e Junkanoo Bowl G4 Tournament. Na 2017, e hoben a conoce un bon temporada den e deporte di tennis sigur despues di e termina na un di tres lugar den e Junior Davis Cup.
E hoben tenista lo hunga varios torneo den exterior manera e ITF Grade 4 Junkanoo Bowl na Bahamas mientras cu 1 siman despu-
es e lo competi den un torneo na Merca, yama USTA na Miami.
Por ultimo Alexson lo tin su ultimo torneo na Republica Dominicana, esaki ta dianan 16 pa 20 di juli proximo. Aki e lo hunga den e ya conoci ITF Grade 4 Copa Merengue. Ta bon pa bisa acerca cu coach Jonathan Goitia ta e coach encarga pa e bon guia di Alexson, mientras cu e hoben lo wordo acompaña pa algun tenista di nos islanan ruman Corsow y Boneiro.
Stichting Sportsubsidie Aruba a yuda subsidia e biahe di e tenista Alexson pa e diferente tor- neonan internacional di tennis na Bahamas, y tambe Merca y Republica Dominicana.
Advertorial:
Topcar ta celebra y honra dedicacion y logro: SV Brazil Jrs Campeon Division 1
ORANJESTAD - Topcar NV sem- per ta para cla pa apoya y sostene esunnan cu ta dedica curpa y alma na logra nan obhetivonan.
Pa añanan largo Topcar a sa di sostene diferente deporte na Aruba cu ta pro- move desaroyo positivo, disciplina, y cu ta haci un diferencia pa nos hoben- nan y den nos comunidad en general. “Pa nos aki na Topcar, semper ta un placer pa por yuda desaroyo positivo den nos comunidad. Deporte y spe- cialmente e deporte ‘rey’ ta un pasion di nos, pero tambe di henter Aruba. Pa nos e ta un orguyo di por wak nos hobennan crece den ambiente sano y bira orguyo di nan bario”, esaki ta pal- abranan expresa door di Gerente gen- eral di Topcar NV, Eddy Stenebome. Topcar asina tambe kier celebra y pre- mia esfuerzonan haci pa guia y brinda nos muchanan e miho oportunidad- nan pa un desaroyo sano, mental y fisico.
Durante half time di wega Uruguay vs Francia, directiva di SV BrazilJrs, Staff técnico y personal boluntario hunto cu a muchanan a ricibi un sor- presa grandi for di Gerencia, staf y personal di Topcar.
Bou di bashamento di pito formal, por a wak un Nissan Urvan, den col- ornan di SV BrazilJrs, drenta parking lot di Topcar. Emocion tabata grandi ya cu porfin nan por retira nan van bieu cu a duna nan bon servicio pa casi 20 aña.
Topcar NV ta un compania local din- amico, agente exclusivo di vehicu- lonan marca Kia y Nissan. Topcar tambe ta ofrece servicio inmediato na su clientenan den ramo di benta, parts y garashi. Su personal servicial cu experiencia incomparabel ta para semper cla pa duna e miho servicio. Pasa Showroom den Caya Ernesto Petronia 21 of yama na 528-9500. Corda bishita nos pagina di Facebook Kia Motors Aruba of Nissan Aruba y bishita website: www.kia.comy www. nissan.aw