Page 39 - MEDIA MONITORING JULY 09, 2018

LOCAL A31
Dialuna 9 Juli 2018
Director DVG ta gana caso contra minister Dangui Oduber
ORANJESTAD – Direc- tor di Departamento di Salud (DVG), Jerry Star- ing a gana su caso contra minister di Salud, Dangui Oduber.
Esaki ta segun informa- cionnan riba ret social y entre otro NoticiaCla.
Fin di siman cu a pasa, hues a kita e prohibicion di entrada na su trabou di sr. Staring, manera impone dia 1 di juni ultimo.
Segun e informacion esey kiermen cu sr. Staring por sigui funciona como direc- tor . Motivacion principal di hues ta cu gobierno no por a proba suficiente cu sr. Star- ing su actuacion a perhudica e departamento DVG, y pa asina mand’e cas pa e periodo di 6 siman.
Manera ta conoci, ministe- rionan concerni a ricibi un carta di keho riba funciona- mento di e director Staring. E carta a indica cu sr. Staring a crea un cultura di miedo y tambe a reemplasa personal cu personanan no adecua. Tambe tabata papia di un cultura unda tin trato pref- erencial di cierto trahadonan (vriendjespolitiek).
Durante tratamento di e caso, loke a resalta ta e forma
con gobierno su abogado a hiba defensa y aki hues ta bisa cu e defensa no tabata motiva suficiente e motibo pa cual a manda e director cas.
Segun hues, e decision ‘falta base legal, motibo exacto y e tempo mara na dje’. Tambe tin duda riba e credibilidad di esunnan cu a keha contra e director y e forma con esaki a bay, segun Departamento di Recurso Humano (DRH),
NoticiaCla ta bisa. Ademas ta mustra cu gobierno no a actua corecto den e proceso y no a motiva e motibonan presenta suficiente.
Na luna di juni, director Staring a haya prohibicion di entrada, entrante 1 di juni ultimo, pa un periodo di 6 si- man. E motibo tabata entre otro kehonan contra e direc- tor su persona y cu mester a keda investiga.