Page 11 - MEDIA MONITORING JULY 11, 2018
P. 11
Juli 11, 2018
www.awemainta.com www.facebook.com/awemainta
noticia@awemainta.com 583-1400
Un anochi fascinante a
culmina cu donacion di
$25,000 na Casa Cuna
Di Renaissance y di ‘Long Table’ Aruba Pagina 18
ABC y The Mill a
yega na acuerdo
E desaroyador Elmsford a yega na un acuerdo cu Aruba Birdlife Conservation (ABC) encuanto uso di parti di e tereno (wetland), cu ta keda banda di The Mill Resort.
Manera por corda hasta Huez pa haya un idea di e caso sumario cu ABC a entama, pa Gobierno no otorga un pida di e wetland n’e desaroyador, a bay wak e sitio.
Maske cu ABC y Gobierno a haya razon den e caso sumario aki, e desaroyador Elmsford a dicidi di negocia cu e.o. ABC pa sikiera laga nan usa parti di e tereno aki, pa pone e containernan cu material pa cu remodelacion di The Mill Resort y pa laga e trahadornan por parkeer nan auto n’e sitio aki.
Ambos grupo a analisa e situacion nan mes, y ABC a dicidi di kita tur e barancanan di piedra pa permiti e containernan para riba un huki di e tereno, pero esaki lo bira temporal, te ora cu e Resort ta cla cu su remodelacion.
ABC sigur no tin intencion di ta obstaculo pa ningun proyecto, con tal tin respet pa cu proteccion di loke ta terenonan wetland.
Y asina nan a negocia y a yega na acuerdo, sin cu mester sigui bringa e caso aki den Corte.
