Page 22 - MEDIA MONITORING JULY 11, 2018

22 AWEMainta Diaranson, 11 Juli 2018 Minister Besaril a atende reunion grupo di
trabao tocante eleccion pa Parlamento Europeo
DEN HAAG – Minister Plenipotenciario di Aruba Guillfred Besaril a atende e prome reunion di e grupo di trabao den cuadro di e eleccion p’e Parlamento Europeo cu lo tuma lugar otro aña na mei.
E reunion aki - cu ta un iniciativa di Europahuis na Den Haag y Ocan - ta pa intercambia opinion riba e posibi- lidad pa stimula cu mas Hulandes Caribense tanto den Caribe como na Hulanda ta conciente di e eleccion aki.
Durante di e intercambio e participantenan a constata cu e eleccion pa Parlamento Europeo no ta biba cerca nos hendenan. Den pasado cu tabatin candidatonan Arubano riba listanan politico, bo por a mira mas entu- siasmo p.e. na Aruba pa bay vota.
Pesey ta sumamente importante pa mira p’e lista di candidatonan mester ta mas diverso, cu candidatonan Arubano y asina mas visibel p.e. p’e votador Arubano.
Un otro punto hopi importante cu a bin riba mesa ta cu e ciudadanonan di e pais y islanan den Caribe mester tin mas conocimento riba ki tereno Union Europeo ta envolvi pa medio di proyectonan na Aruba.
Mas conocemento riba esaki por hisa e entusiasmo bou di e votador na Aruba pa bay vota. Esaki por keda re- alisa atrabes di mas publicacion of propaganda.
Un otro manera pa trece esaki mas padilanti bou di e poblacion ta pa bin cu un conferencia riba e tema di eleccion pa Parlamento Europeo y cu esaki por wordo transmiti via di e canalnan di television na Aruba. Durante di e conferencia aki lo mester enfoca - banda di e proyectonan di Union Europeo n’e islanan - tambe riba mas concientisacion di e lasonan di e islanan cu Union Europeo.
Pa motiva Arubano pa bay vota, mester cambia e siste- ma di vota. Awor t’asina cu e persona mester registra su mes prome pa por haya su stembiljet. Tur presente un- animamente ta di opinion cu esaki ta forma un drempel hopi halto p’e votador. A haci palabracion pa mira con por trece cambio den esaki.
Minister Besaril a boga p’e islanan tin un liason hopi cerca di Parlamentarionan Europeo p’asina nan por ta na altura di e situacion n’e islanan.