Page 30 - MEDIA MONITORING JULY 11, 2018

A14 LOCAL
Diaranson 11 Juli 2018
Pronostico di Tempo
Tempo:
Parcialmente te hopi nubia
cu posibilidad di localmente
algun awasero. Temperatura
maximo 32 grado Celsius y temperatura minimo 26 grado Celsius. Solo lo baha awe nochi 7:09pm y lo sali mañan mainta 06:21am.
Biento:
Modera te fuerte for di direccion oost- noordoost te oost- zuidoost; forsa 4 te 6 (20 te 50 km/ora, 11 te 27 nudo)
Den dia duro te posiblemente hopi duro den rafaga;
forsa 7 te 8 (51 te 64 km/ora, 28 te 35 nudo)
Situacion general di tempo:
Den proximo 24 ora, zona di convergencia intertropical lo por bira activo y pone cu temporalmente mas nubia lo pasa riba e isla. Esaki lo por produci localmente algun awasero cu por wordo compaña pa lamper cu strena. Localmente e awasero por causa molester na e
luganan di custumber y den caya.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla. Ta pidi usuarionan di lama y doñonan di boto chikito pa tene esaki na cuenta y procede cu cautela riba lama habri.
‘Onze Natuur & Ons Milieu’
Plan di Maneho dirigi riba nos medio ambiente disponibel Online
ORANJESTAD - Desde awo padilanti por subi on- line pa mira e documento di e plan di maneho dirigi riba nos medio ambiente.
Den luna di juni - segun un comunicado ricibi - gobierno di Aruba, Ministerio di Desa- royo Teritorial, Infrastructura y Medio Ambiente a publica e maneho cu lo wordo hiba pa e añanan 2018 te cu 2021 pa locual ta nos medio ambi- ente.
E Beleidsnota ‘OnzeNatuur & Ons Milieu, op weg naar een evenwichtige toekomst’, a wordo realisa por medio di colaboracion di departa- mentonan den Ministerio, pa cual Directie Natuur en Mi-
lieu (DNM) a haci e trayecto previo den 2014 y e aña aki Ministerio a haci algun adap- tacion y revision pa reforsa e plan.
Den e beleidsnota balans y colaboracion entre tur par- tido envolvi ta temanan sumamente importante. Tur partido tin un tarea specifico pa haci y sin balans y colabo- racion estrecho entre partner nan cu tin un vision colec- tivo, e maneho no ta posibel, cual ta e enfoke di e nota aki. Sin lubida e aspecto di tin un acercamento activo y prag- matico pa cosnan tuma luga. Interesante pa trece dilanti ta cu a uza un metodologia di SWAT, unda cu ta haci anali- sis di ‘strength, weaknesses,
traits and opportunities’. En- bes di a skirbi un documento hopi largo di 600 pagina, a enfoca riba un acercamento pragmatico, unda cu a scoge e temanan actual (for di 10 tema di prioridad a scoge e prome 4). A base di esaki a haci un SWAT y a formula strategianan y enbes di a skir- bi un plan cu solamente texto a pone accion concreto.
Den pasado diferente inves- tigacionnan a wordo haci, sinembargo ta prome biaha cu ta lansa un plan asina aki. E nota ta uno dinamico poni pa e periodo di 2018 pa 2021, pero esey no ta significa cu cambionan no por wordo haci den e periodo aki, e co- municado ta sigui bisa.
Den e tempo cu nos ta biban- do aden, no ta factibel pa skirbi un plan cu e meta pa e dura 40 aña. E aspecto din- amico ta haci cu e plan ta mas realistico considerando cu cambionan globalmente cu ta tumando luga hopi mas lihe. E plan aki por wordo adapta a base di e necesidad cu tin na dado momento.
Pa esunnan cu no a mira esa- ki, e documento completo ta disponibel por medio di e link aki: https://goo.gl/Ffh1HX of riba e pagina di Facebook di Ministerio di Infrastructura y Medio Ambiente, e comuni- cado ta finalisa.