Page 38 - MEDIA MONITORING JULY 11, 2018

A30 LOCAL
Diaranson 11 Juli 2018
SEPPA ta reacciona riba comunicado di parlamentario Edgard Vrolijk
ORANJESTAD - Sindicato SEPPA a reacciona riba un comunicado di parlamentario Edgard Vrolijk di MEP tocante e incidente cu a sosode cu un grupo di trahadonan representa pa SEPPA, ora cu e reunion publico tocante Serlimar a keda cancela di un forma inespera.
E sindicato ta laga sa cu no ta awor, sino cu e trahadonan di Serlimar hunto cu SEPPA a sali den pasado y no tabata falta e politiconan ey cu awe ta sinta den gobierno, hasta den parlamento. Sinembargo nan ta haya cu e politiconan kier pa sindicalismo ta semper basa riba conveniencia, y no pa loke cu sindicalismo ta berdaderamente, ya cu ora bo ta den oposicion, bo ta apoya tur cos paso e ta cumbini bo.
SEPPA ta bisa cu e mancha ey cu parlamentario Vrolijk ta papia di dje, ta un iniciativa di e mesun trahadonan. “Laga e trahadonan di Serlimar mes bisa bo unda nan ta para”, asina e sindicato a laga sa. SEPPA ta aplaudi e sugerencia pa mas dialogo, loke semper nan ta kere aden. Lo ta bon si –segun e sindicato- pa tene na bista cu ora ta papia di dialogo, corda cu dialogo
no ta ora ta combini abo so, bo partido of gobierno, pero hasta ora cu cosnan por ta fastioso.
Nan a bisa cu den e caso di Serlimar, SEPPA a bay dialoga cu minister di infrastructura , Otmar Oduber (POR), pa mas claridad. E minister tambe a sali afo bisa cu e ta compronde e preocupacionnan. Anto ta con awo? SEPPA ta haya bon pa parlamentario Vrolijk bay busca e contesta di e resultado di dialogo na su porta.
Den e articulo parlamentario Vrolijk tambe ta yama e accion di trahadonan di Serlimar uno basa riba redo of shisheria, segun SEPPA. Pa e sindicato, e berdad tras di e manifestacion no ta keda na sr. Vrolijk pa husga esaki. Ni den Parlamento e no tin e poder ey pa dicidi, menos bao di e trahadonan.
E ta un representante di pueblo y mester scucha e pakico e trahadonan di Serlimar ta preocupa. E pakico, despues diascuchaebandadie minister di Infrastructura, ainda e trahadonan a keda preocupa, of pakico nan a keda mas desconfia ainda. E sindicato ta haya cu eynan parlamentario Vrolijk mester
lansa su preocupacion.
SEPPA ta reacciona bisando, fei unda parlamentario Edgar Vrolijk, ta sali cu e manifestacion ta basa riba redo of shisheria? “Unico cos cu nos por conclui ta cu indirectamente, uzando SEPPA of e trahadonan di Serlimar, e ta yamando e minister di infrastructura un shishi, ya cu e tambe tin mesun preocupacion cu e trahadonan di Serlimar y SEPPA.”
Tin rumor cu lo kier cambia cos, mocion of cosnan y esaki ta e situacion cu tabata reina. Si tur cos a wordo para ta algo otro. Esakinan ta problema di esnan cu a percura pa e rumor aki a lanta y spart bao di trahadonan, ya cu tambe tin rumornan di cierto reunion scondi cu a tuma luga, segun SEPPA.
Trahadonan di Serlimar
Segun SEPPA, un cos nan sa: e trahadonan a sali defende nan derecho. E derecho pa defende e empresa di pueblo. “Unda cu ora a lanta e empresa Serlimar pa pueblo di Aruba, e gobierno e tempo aya (porcierto di MEP) a compromete su mes cu e empresa aki ta keda 100% di pueblo.
Cu Serlimar lo tin e derecho solido di procesamento di sushi y cu pais Aruba lo percura pa su existencia y pa
inversionnan necesario.”
Segun SEPPA, no ta pornada a lanta Serlimar Sui Generis. SEPPA ta recomenda e parlamentario cu kisas lo ta bon pa bay cerca e minister di e tempo aya, y puntre ta a base di kico y di ki forma nan a proteha Serlimar tur tempo for di e ‘cayman’nan.
Alocacion di fondo
Trahadonan di Serlimar tambe tin preocupacion riba e asunto di alocacion die5miyoney.Sitaasina si of no, e pakico diripiente un cobranza, etc. Pero e contestanan aki –segun SEPPA- trahado kier a scucha e debate.
Minister ta bisa SEPPA cu e 5 miyon tabata pa algo otro. E ta splica cu ta su mesun persona a pidie, basa riba otro asuntonan di Serlimar. Mientras cu parlamentarionan ta bisa cu tabata pa no bay over na cobramento den 2018. SEPPA ta puntra su mes: kende ta papia e berdad awo? Esey pueblo mes no a haya sa, pasobra a core cancela e reunion publico. SEPPA ta haya cu a core stroba e trahadonan di scucha, y niun hende no sa awo ta kende ta gaña.
“Por core saca curpa bisando cu ta paso e cobranza a sosode den un forma abrupto y kisas ni necesario pa e aña aki. Pero
pa e trahado e punto ta keda algo a sosode akinan y no bin traha storia rond di e ley di Serlimar. Paso trahadonan lo sali bek y bay na loke tabata e promesa di gobernantenan e tempo aya riba Serlimar Sui Generis desde su lantamento.”
E carta misterioso
SEPPA ta bisa cu parlamentario Edgar Vrolijk, mes ta papia di un carta y hasta ta yam’e carta misterioso. SEPPA no a bisa sr. Vrolijk cu lo a manda carta , sino esey a wordo papia internamente. SEPPA ta haya cu lo ta bon pa e parlamentario bay check cu su propio fuente, ‘y papia cosnan concreto si’. E pregunta ta awo –segun SEPPA- acaso esaki no yama bay tras di redo of shisheria?
SEPPA mes a bisa cu nan lo no sigui perde tempo cu e tema aki cu e parlamentario en cuestion. “Pero nos lo tene na loke su colega y lider di fraccion di MEP, RoccoTjon a bisa den conferencia, esta cu e ta garantisa e personal di Serlimar sigur cu nan semper lo ta na fabor di e clase trahado”, SEPPA ta bisa.
Sinembargo pa un rato SEPPA y trahadonan di Serlimar lo keda pendiente di kico exactamente e tabata kiermen cu e expresion di cu ‘semper e lo ta na fabor di un ley cu no ta discriminatorio’.
Cambio den prijs di productonan petrolero
ORANJESTAD - Basa riba e posting promedio di Platts US Market scan (Gulf Coast) pa e periodo di 1 te cu 30 di juni 2018, Minister di Finansas, Asuntonan Economico y Cultura ta anuncia e prijsnan di benta di combustibel nobo.
Compaña pa algun grafico ta presenta e prijs di combustibel entrante 11 di juli 2018:
Gasoline unleaded-premium Diesel LS
Kerosin
E prijsnan
: 214,8 : 184,7 : 174,5
cent cent cent
p/ltr. (- 4,9 p/ltr. (- 4,3 p/ltr. (- 3,4
cent) cent) cent)
ariba
menciona
ta
inclui
BBO/BAZV/BAVP.