Page 14 - MEDIA MONITORING JULY 23RD, 2018

Juli 23, 2018
www.awemainta.com www.facebook.com/awemainta
noticia@awemainta.com 583-1400
Un persona deteni, despues cu polis a para un Hyundai Tucson altura di Lagoen
Pagina 12
Ilegalnan ta sigui yega Aruba y ta burla di autoridadnan
Pagina 3
Diabierne y diasabra Venezolanonan ilegal ta sigui
intenta pa drenta Aruba
Por tuma nota cu ultimamente mas y mas Venezolano ta sigui intenta pa drena Aruba. Diabierne anochi, a logra haya evidencia di esaki, banda di SantanadiCacho,peroautoridad no a logra pone man riba nan y no sa cuanto ilegal a drenta. Diasabra anochi, banda di 9or y 40, personal di Guardacosta a mira un contacto riba radar.
Aki e boto “La Picrama III” biniendo di Venezuela bayendo Rodgers Beach na Sero Colorado y mesora a prepara un team y saca patruyanan riba lama. Super Rhib di Guardacosta a sali y na mas of menos 1.5 miya pafo di tera, a intercepta e boto.
Abordo tabatin 20 persona, tur ta Venezolano. Den nan tabatin tres muher y 17 homber. Den e 17 hombernan tin dos a wordo deteni penalmente pa wordo persigui pa traficacion di hende. Nan ta dos ta capitan of ta encarga
cu e trip cu ilegalnan pa Aruba. Tur esnan cu a keda deteni a ser pasa pa Warda nos Costa y ta pendiente nan deportacion. Por constata cu esakinan a bira di 4 boto gara pa Guardacosta den apenas dos siman di tempo. Personal di Guardacosta ultimamente no ta bacila y prome cu botonan yega tera, ya caba nan ta garanan riba lama. No a topa nada otro ilegal abordo di e boto aki. Varios di nan a wordo deporta den pasado. E hendenan aki ta paga como 300 dolar cada uno pa bin Aruba.
E hendenan aki tin biaha ta fia e placa for di esnan cu kier nan traha pa nan. Ora yega nan ta paga esaki bek trahando ilegalmente, pero unabes gara, e doño di trabao lo perde e placa. Ta di spera cu den e interrogacionnan cu a sigui, saca afo, kende(nan) ta tras di e trafico ilegal aki y persigui’e tambe.