Page 17 - MEDIA MONITORING JULY 23RD, 2018

14 AWEMainta Dialuna, 23 Juli 2018 Machete ta atrobe den noticia negativo
DIASABRA pa mas o menos 1’or y mey, polis a bay Ranchostraat, caminda tin un homber lo ta coriendo tras di un otro.
Un rato despues polisnan ta bin compronde cu lo ta trata di e conocido “Machete”.
Segun informacionnan ricibi, Machete lo a dal un homber peruano cu un boter na su cara, y e homber a cuminsa core bay.
Machete a sali na careda tras di e homber, pero e homber peruano a logra scapa di Machete na momento cu el a subi den un auto desconoci y a bay for di e sitio.
Polisnan a topa cu Machete den Avenida Alo Tromp, segun Machete, e tawata yuda hende parkeer
nan auto. Pues tawata fungi como un “valet attendant” di un bar nocturno den Avenida Alo Tromp.
Segun un testigo a bisa polis cu Machete enberdad tawata coriendo tras di un homber y cu esaki lo a subi un auto y a bandona e sitio. Machete lo tawata kier a horte homber aki pero no a logra.
Polis a tuma su datonan un biaha mas y a continua. Por a compronde cu e homber cu ta wordo yama popularmente Machete a sali liber recientemente despues di a menasa un persona cu arma blanco.
Turistanan sin manera a basha saus den taxi
Diabierna anochi 8:30, taxista a pidi asistencia di polis na Renaissance Ocean Suites pa algun turista hopi onbeschoft y sin manera.
Placer cu regla
DIASABRA mainta propietario di The Pleasure Zone a pidi asistencia di polis.
E establecimento aki ta situa na final di caya grandi na San Nicolas. Tawata diasabra mainta, pa mas o menos 9:30 cu polis a bay e luga aki. Segun e doño, dos di e damanan alegre no ta cumpliendo cu nan debenan den e bar. Parse cu nan varios ocasion ela hala nan atencion, pero e dos damanan aki no ta worry y ta haci loke nan kier.
No a keda e propietario nada otro di cumpra dos ticket y bisanan cu nan mester bay bek nan pais.
Nan a compronde.
NA yegada polis ta topa cu un taxista hopi rabia kende ta splicanan kico a pasa. Segun el a conta, e turistanan cu e tabata transportando a basha saus di pisca ariba e sienta di su auto.
Momento cu el a bisanan cu tin un regla, esta cu si bo susha of ta daña algo den e taxi tin un fee cu bo mester paga di 60$(dollar). Aki ta caminda cu e turistanan lo a bira onbeschoft, y lo a nenga
di paga pa loke nan a haci. Nan a bay den e hotel y despues den nan camber, caminda nan a cera nan curpa.
Security guard lo a bay ariba pa hala nan atencion, y tambe pa sali y papia cu autoridad. Polisnan lo a keda na e hotel pa atende cu e turistanan onbeschoft aki, mirando cu pa e diabierna anochi e taxista lo no por sigui traha mas.