Page 23 - MEDIA MONITORING JULY 23RD, 2018

24 AWEMainta Dialuna, 23 Juli 2018 Corsou
Kolaborashon entre FTAC i CBCS
WILLEMSTAD. Fair Trade Authority Curaçao i Banko Sentral di Kòrsou i Sint Maarten a hasi pal- abrashon den un protokòl di kolaborashon, relashoná ku e forma kon nan lo por kompartí informashon i konose- mentu den ehekushon di nan trabounan.
A lanta FTAC ku kompetensha pa supervisá i kaminda ta nesesario sòru pa kumplimentu ku regla relashoná ku kompetensia liber i outéntiko, den tur sektor ekonómiko di Kòrsou.
FTAC ta aktua kontra kompania ku ta stroba, limitá òf falsifiká kompetensia.
CBCS, komo supervisor independiente, ta supervisá e sektor finansiero di Kòrsou i St. Maarten a base di nan statuto.
A sera e kolaborashon pa interkambio di informashon i kolaborashon na benefisio di e tareanan di supervishon legal.
Segun presidente di FTAC Alberto ‘Chos’ Romero, nan ta kontentu ku despues di a yega na un kolaborashon ku Buro Telecommunnicatie & Post, awor a sera un kolabo- rashon ku CBCS tambe.
Esaki lo ta na benefisio di supervishon i al final pa eko- nomia di Kòrsou”.
Direktor interino di Banko Sentral tambe a elogiá e akuerdo ku ta di importansha pa e dos instansianan por ehekutá nan tareanan i tene supervishon efisiente.
Den e protokòl di kolaborashon a pone palabrashon en- tre otro tokante interkambio di informashon, konsulta regular i e forma di prosedé den kaso ku tin posibel in- dikashon di kubrimentu parsial di ehekushon di tarea i hurisdikshon.
E protokòl di kolaborashon ta publiká riba tur dos pá- gina wèp. Pa mas informashon bishitá www.ftac.cw i http://www.centralbank.cw.