Page 33 - MEDIA MONITORING JULY 23RD, 2018

DEPORTE A19
Medaya di silver y brons pa Jennifer Baez na PanAm di Taekwondo
ORANJESTAD - Manera ya ta conoci, recientemente e atleta Jen- nifer Baez di Aruba a participa na e Campeonato 2018 PanAm Senior Gyoroogi & Poomsae TKD Cham- pionships (G4) y 2018 PanAm Open International TKD Championships (G1).
E competencia aki a tuma luga na Spo- kane Convention center, den Ciudad di Spokane, USA, for dia 11 pa 13 juli ul- timo.
Jeniffer ta un atleta Arubano cu ta biban- do na Mexico, unda el a studia Ingenie- ria Kimica. For di anja 2015 el a dicidi
di participa den modalidad di poomsae. Dia 11 juli cu a pasa, Jennifer a haya un medaya Silver den Campeonato, den modalidad femenino, Individual bou 40, poomsae tradicional y un medaya di Brons den modalidad femenino Indi- vidual Freestyle.
Dia 12 juli cu a pasa, Jenniffer a participa den 2018 Pan Am Open Champion- ships (G1), hayando medaya di Brons den modalidad Individual tradicional bou 40 aña y Brons Pareja Tradicional + 30 aña. Jenniffer a haya un recono- cimento di 5 luga como Female Team Poomsae, freestyle over 17 aña.
Dialuna 23 Juli 2018
Benjamin Security ta entrega uniform di Aruba pa Pony League
ORANJESTAD - E com- pania di siguridad di Ben- jamin Security un bes mas ta extende un man y ta sponsor e uniformnan di e seleccion di Pony League Baseball categoria 8U di nos pais Aruba.
E inversion aki den e muchanan chikito sigur lo duna su fruta aki un par di aña ora cu Aruba por cosecha mas hungadonan profesional di Baseball di Aruba, segun un comunicado ricibi.
E seleccion di 8U a sali pa Estados Unidos, unda nan lo defende nos bandera.
Deporte den un pais ta hopi importante pa su futuro. Den deporte ta siña hopi balornan cu por wordo uza den bo bida y futuro. Deporte ta siña bo: Traha duro, tin metanan bon fiha, doorzettingsvermogen, traha den team, deal cu pre- sion, stima loke bo ta haci, e pasion ta crece dia pa dia, y hopi mas, e comunicado ta clausura.