Page 53 - MEDIA MONITORING JULY 23RD, 2018

Djaluna 23 Yüli 2018
5
Minister Blok a pidi Kòrsou dispensa pa su remarkenan
WILLEMSTAD.- Minister di Relashon Eksterior di Ulanda Stef Blok a aserká minister-presidentenan
di Kòrsou, Aruba i Sint Maarten pa pidi despensa tokante su remarkenan. Segun Blok el a usa palabra muchu skèrpi i ku ta duel e
ku el a ofendé hende ku e aktitut aki.
Manera ta konosí gobièrnu di Kòrsou siman pasa a duna di konosé ku nan ta lamentá profundamente e ekspreshonnan di Minister Blok, ku den e kalidat ei tambe ta minister di Reino,
tokante komunidatnan multikultural. Blok a duna di konosé ku e no konosé niun estado multikultural òf multi-étniko kaminda ainda e poblashon original tambe ta biba i kaminda ta biba huntu pasífikamente.
Den un deklarashon
gobièrnu di Kòrsou a splika ku ‘na niun manera nan noporhañasumesdene ekspreshonnan ei, ku ta toka na un manera hopi profundo e núkleo di nos komunidat.’
Segun gobièrnu di Kòrsou ‘ta netamente nos
diversidat ta hasi nos fuerte. Komo Kòrsou nos ta orguyoso di e echo ku nos komunidat ta konsistí di hende for di tur parti di mundu, ku ta biba banda di otro den pas i harmonia, no opstante e diferensianan den orígen di etnisidat i religion.
Nos “union den diversidat” ta algu ku nos ta trata ku hopi kariño na Kòrsou i ku nos a kaba di selebrá resientemente durante di nos Dia di Bandera.’ Den su deklarashon gobièrnu di Kòrsou kier a enfatisá ku minister Blok ta representá tambe kuater pais multi étniko, multireligioso i multikultural den Reino, den nos relashonnan eksterno. E ekspreshonnan di minister Blok no ta representativo pa e realidat den e parti Karibense di Reino.
Al kontrario. Den nos opinion, e komunidat multikultural di Kòrsou, ta duna hustamente un mihó bista di norma i balor, manera hustisia, toleransia i libertat, ku nos ta repartí den Reino i ku ta hasi e kuater pais uní den un Reino, hustamente úniko.’
Manera ta konosí Blok a haña hopi kritiko riba su remarkenan.
Segun Blok Sürnam ta un estado ku no ta funshoná. Pa e remarke ei Blok a manda un karta pa pidi dispensa kaba na gobièrnu di e pais.
Na Kòrsou diferente partido polítiko a duna di konosé ku nan ta haña e remarkenan di Blok inaseptabel. Segun nan Blok no ta aseptabel pa minister mas
OCAN, e fundashon na nòmber di komunidat karibense, ke un kombersashon ku gabinete ulandes. Presidente di OCAN John Leerdam a splika ku e ke sa kiko ta e konsekuensianan di e remarkenan di Blok. ‘Tur loke a logra den e último 75 aña ku e pronunsiamentunan aki a kibra.’