Page 18 - MEDIA MONITORING JULY 17TH, 2018

10 AWEMainta Diamars, 17 Juli 2018
Crisis Team di Serlimar SG
ta cla y ta prepara pa temporada di horcan
Temporada di horcan a cuminsa oficialmente den luna di juni y ta caba den luna di november e aña aki. Durante temporada aki Aruba sa experiencia hopi biento fuerte, yobida y mal tempo. Serlimar SG e aña aki ta completamente prepara cu un Crisis Team special, cu a wordo apunta pa planifica y tuma accion necesario durante cualkier tipo di calamidad aki na Aruba. Un ekipo di 16 trahador cu ta specialisa den diferente funcion ta forma parti di e Crisis Team aki.
Den luna di juni 2018 e Crisis Team di Serlimar SG a participa den un simulacro conhuntamente cu otro departamento di Gobierno p’asina prepara p’e temporada di horcan. Durante e crisis training aki a cubri preparacionnan y accion necesario en caso cu un horcan di categoria 3 pasa riba of serca di Aruba.
Den e crisis training aki e horcan a causa daño na entre otro liñanan di comunicacion, caminda mester a comunica via sistema di radio durante 36 ora. Crisis Team di Serlimar SG a cumpli cu e crisis training aki exitosamente.
E Crisis Team di Serlimar SG ta fuerte cu; Michael Raymond, Shanon Croes, Mayron Manuela, Gino Kuiperi, Erwin Werleman, Dayron Geerman, Ricky Wever, Christopher Lee, Francis Tromp, Gilbert Gomez, Januar Goeloe, Raymond Montero, Mirto Ras, Gregorio Rasmijn y Richard Legrand.
Y nan ta cla y prepara pa traha como un ekipo conhuntamente cu otro departamento di Gobierno p’asina tuma accion y mantene rooinan, camindanan central y otro area nan publico limpi ora di enfrenta situacion di calamidad na Aruba.
Serlimar SG ta sumamente satisfecho cu e preparacionnan di e Crisis Team awor muy en especial cu nos ta oficialmente den temporada di horcan.
Serlimar SG tin confiansa den e ekipo cu a traha y cu a haci un bon trabou durante e simulacro y ta sigur cu lo haci un tremendo esfuerso y un bon trabou ora di confronta cualkier situacion di calamidad na Aruba.
Polis a intermedia pa pasahero fastioso
Personanan cu ta traha den transporte continuamente ta confronta problema. Diabierna un chauffeur di bus a haya su mes obliga pidi ayudo di Polis pa un homber fastioso den su vehiculo.
Den careda di 11’or di anochi un patruya cu tabata coriendo riba J.E.Iruasquin a wordo aserca door di chauffeur di un bus banda di The Village mall. E homber aki a bisa e Polisnan pa yud’e baha un pasahero for di bus. El a bisa cu e homber aki tabata molestia e otro pasaheronan y no kier scucha pa keda keto. Ora cu el a informa e homber cu e lo no hibe mas te na Marriott y cu e mester baha, esaki a bisa cu e tin un machete cune. Pa e motibo aki e chauffeur a dicidi di pidi ayudo ora cu el a mira e Polisnan ta pasa.
Polis a bay na e bus y e homber tabata sinta ainda eyden. Tabata trata di di conoci di husticia V. Pero e ta bisa
cu e tabata e victima den e caso aki. El a conta cu e homber banda di dje tabata insult’e y e no por acepta algo asina y dado momento no por a wanta e situacion aki mas. Pero cu e chauffeur di bus tampoco a trat’e bon.
Polis a puntra e otro pasaheronan y tur a bisa cu ta V., tabata haci fastioso pa motibo di un bentana cu e kier habri. A controla su rugtas preto y berdad a bin haya un mahctete y algun otro herment mas den esaki. A confisca e arma.
Mirando cu Polis conoce hopi bon y cu si lague cana bay cas e lo busca problema na caminda, a dicidi di pidi transportwagen pa bah’e na Saliña cerca. E chauffeur di bus a wordo informa cu si e ta sinti su mes menasa, e por entrega keho. E no a mira necesidad pa esaki pero cu V lo no subi su bus mas.