Page 48 - MEDIA MONITORING JULY 17TH, 2018

Advertorial
Diamars 17 Juli 2018
A30 LOCAL
Minister Otmar Oduber:
‘Tur proyecto ta bonbini semper y cuando nan ta cumpli cu ley y reglanan’
ORANJESTAD – Trabounan cu lo ta tumando luga canto di lama na Savaneta a hala basta atencion den comunidad. Esaki ta paso cu e pensamento tey cu
tin construccion ilegal tumando luga.
Segun minister Otmar Oduber (POR) ta splica den un comunicado, e imagennan aki a lanta hopi pregunta y
preocupacion den comunidad cu ta preocupa pa destruccion di nos naturalesa. “Pa locual ta encera preguntanan y preocupacionnan di kico lo sosode cu e proyecto na Savaneta na e momentonan aki, mester informa cu contrario na e publicacionnan cu ta mira den medionan social y prensa, no tin trabou tumando luga na e sitio na e momentonan aki”, e minister ta bisa den su comunicado.
Segun e comunicado ta sigui splica, DOW ta informa cu e proyecto / trabounan ta para y tur locual cu tin construi na e sitio ta para for di 2016/2017 caba. A pidi cooperacion di e desaroyadornan kendenan a coopera y a para nan operacion. Departamentonan
di DOW y DIP a bay controla esaki un bes mas despues cu video y imagennan a cuminsa circula. E situacion ta, cu e desaroyador a haya algun permiso anteriormente y a base di esaki nan a inicia cu trabounan di construccion ‘vooruitloopig’ prome cu nan a haya tur nan documentonan pa cual a mustra nan cu esaki no por. “Primordialmente pa motibo cu tin estudionan di impacto riba medio ambiente cu mester tuma lugar y cual mester ricibi conseho di esaki. Considerando e proteccion cu tin y cu kier brinda pa diferente area rond Aruba mester mira e impacto cu cualkier desaroyo por tin prome cu duna cualkier tipo di acuerdo pa tipo di desaroyonan asina”, minister
Otmar Oduber a segura segun e comunicado.
“Pais Aruba por ta sigur cu desde november cu Gabinete Wever-Croes a asumi e responsabilidad por a nota un cambio hopi grandi pa locual ta trata maneho. E balansa cu tin cu wordo crea den desaroyo economico infrastructural di Aruba ta bay man den man, cu proteccion di nos medio ambiente. A hancra esaki den diferente acuerdonan, a percura pa diferente institutonan wordo lanta bek y ta sigui conseho di institutonan concerni riba diferenteproyectonan.Turna Bienestar di nos pais Aruba”, e mandatario ta declara na final di su comunicado.
Nagico ta continua cu presentacion di Road Service e biaha aki na Prinses Amalia Basis School
ORANJESTAD - Road Service di Nagico tabata presente na Princess Ama- lia Basis School pa por splica kico tur e servicio aki ta encera. Cu e meta principal pa crea e cono- cemento necesario pa fu-
turo.
Durante di e presentacion e studiantenan di 5de klas por a presencia diferente servi- cionan cu Road Service ta cumpli cu ne ora cu un per- sona mester di ayudo, miran-
do cu e muchanan a caba di haal nan Verkeers Diploma. Esakinan ta inclui cera yabi den auto, ora tin flat tire, falta di gasolin, etc. Tambe a ser splica kico por haci of ken por yama durante di accidente. Si ta un accidente grave semper ta yama central di Polis na 100 of si ta accidente cu no ta grave Nagico su Road Service
mes lo atende esaki yamando na 191.
“Nagico ta sigui kere den am- plia e conocimiento di cada mucha pa asina nan semper por ta prepara y tin e her- ment necesario pa nan futu- ro”. Rhona Noguera di Mar- keting a elabora. “Pa nos e ta mas cu un honor pa por of-
rece esaki na nos muchanan”. Rhona Noguera ta termina. Danki na nos studiantenan y maestronan di Prinses Ama- lia Basis School cu a ricibi Nagico atentamente. Un bes mas Nagico kier desea tur studiante un dushi vakantie y hopi exito den e aña escolar nobo.