Page 18 - MEDIA MONITORING - JULY 10, 2018

14 AWEMainta Diamars, 10 Juli 2018 Polis a bay nightclub, pa homber cu arma di
Dialuna marduga 2’or, polis ta haya informacion cu den e establecimento nocturno yama Space tin un persona cu arma di candela.
E persona aparentemente tawata menasa hende cu e arma den e luga.
Mes ora varios patruya a bay direccion Emanstraat.
Pafo di e establecimento cu ya tawata cera, nan a cuminsa tira bista pa e homber cu e descripcion duna.
Pero no ta haya e homber cu lo tawata tin e supuesto arma di candela, kizas ya ela bandona e sitio.
candela den su posesion
Homber burachi haciendo fastioso den bar y ta yama Polis pa otro
UN homber cu a yama Polis pasobra dos otro kier a maltrat’e a resulta na final ta e mes ta esun cu tabata haci fastioso y na final a hala su atencion pa motibo cu e tabata molestia e trahado di un bar y tabata papia fresco cun’e. Polis di Santa Cruz a wordo manda na Mido Bar & Restaurant na Piedra Plat pa un persona indesea. Na e sitio e Polisnan ta wordo aserca door di de homber di inicial M., kende ta declara cu e tabata sinta ta bebe normal na bar y ta combersa cu e bartender ora cu di repente un otro cliente a cuminsa busk’e problema.
Segun M., e homber aki a cuminsa acus'e di a horta un cadena for di dje durante e eleccionnan di aña pasa y sin ningun motibo a dal'e un mokete den su cara. E ta bisa cu e no sa nada di robo
di cadena, y e no conoce e homber mes. Pero e homber desconoci a yama su yiu homber tambe pa bringa cun’e y e yiu a obligue identifica su mes y a saca un potret di su paspoort. E tata y yiu ta den e bar ainda, segun M. a splica e Polisnan.
Polis a bay papia cu e hombernan JC y C. E ultimo aki a declara cu M tabata haci fastioso cu e bartender y un rato despues el a reconoce M como esun cu lo a horta un cadena di oro di dje durante eleccion parlamentario aña pasa y el a bay papia cun'e riba esaki. Segun C a splica e polisnan, e homber M a cuminsa bira fresco cun’e pa cual el a rabia y berdad el a pas’e un klap den cara. Segun C., el a yama su yiu homber (JC) pa evita mas problema
mirando cu M kier a bringa cun’e. JC tambe ta admiti cu su tata a yam’e pasobra M kier a bringa
JC tambe ta admiti cu el a saca un potret di e paspoort di M pero el a haci esey sin ningun mal intencion y solamente tabata kier sa e datonan di M. E bartender di Mido, e señora R a declara cu e homber M no tabata combersa cun'e pero tabata molestie henter anochi y tabata papia cosnan vulgar y menos bunita cun'e.
Dado momento el a fada y a pasa M algun klap den su cara. Tur e tres homber a haya skwal for di Polis y a wordo bisa cu nan por bay Recherche pa entrega keho si nan ta desea. Polisnan a dicidi di hiba M su cas pa evita mas problema.