Page 24 - MEDIA MONITORING - JULY 10, 2018

Diamars, 10 Juli 2018 AWEMainta 27 Deporte
Seleccion di tenis di mesa a sali
P’e “Weganan Panamericano Hubenil” cu ta tuma lugar na Republica Dominicana
FOR di awe, 10 pa 15 di juli, e seleccion hubenil masculino den e deporte di tenis di mesa a biaha pa Republica Dominicana unda nan lo competi den e campeonato Panamericano Hubenil di Tenis de Mesa. Mester bisa cu den e campeonato aki nos muchanan lo enfrenta e mihor hungadornan den nan edad di e continente aki.
E biaha aki Aruba Table Tennis Association a dicidi di scoge e atletanan Chingho Chung, Donald Yarza- garay, y Jean Claude Hoek pa representa Aruba den e Weganan Panamericano Hubenil di Tenis de Mesa na Republica Dominicana.
Ta bon pa bisa aserca cu tur tres hungador tin nan experiencia na nivel internacional y lo sa na duna bon bataya manera e deporte di tenis di mesa semper a haci ora nan a representa Aruba den campeonatonan den exterior.
Remarcabel ta cu den e aña 2018, e atletanan di te- nis di mesa ta presentando den tremendo forma unda den luna di april e atletanan hubenil femenino U15, Mikayala Mathilda y Josielienne Boekhoudt a logra conkista medaya di brons den double den e Weganan clasificatorio Panamericano di tenis di mesa na Ha- bana, Cuba.
Tambe nos a haya e atleta Jeandry Mathilda a logra su clasificacion p’e Weganan Centro Americano y del Caribe Barranquilla 2018 cu lo inicia dentro di dos si- man na Colombia, mientras e hoben Chingho Chung a logra un di 5 lugar.
Federacion di Tenis di Mesa ta trahando bon riba e bon desaroyo di su atletanan y poco poco por mira e frutonan di un trabou duro pa logra e metanan poni. Danki na donacionnan di Lotto, Stichting Sportsub- sidie Aruba a yuda subsidia e biahe di e delegacion di tenis di mesa p’e Weganan Panamericano Hubenil na Republica Dominicana.