Page 44 - MEDIA MONITORING JULY 13, 2018

Diabierna, 13 Juli 2018 AWEMainta 9 Cambio di orario, tambe a sorprende Evelyn Wever Croes, pero
E no ta nada nobo y ta valido solamente pa tiendanan
PROME Minister Evelyn Wever Croes a core splica kico su colega di Economia tabata kier men cu cambio di orario, cu awor tiendanan por sera mei anochi.
El a haya masha critica, y e mes a keda sorprendi cu e anuncio aki, pero despues di averigua, a resulta cu nada no a cambia di loke e ley ta caba.
Evelyn Wever Croes a splica cu berdad el a cay manera algo inespera, pero ta bon pa remarca cu nada no a cambia, pero ta basa riba e tradicion y custumber cu tin, cu tiendanan cada aña ta pidi pa extension di nan orario. Esaki ta existi pa añas caba y nada no a cambia n’esaki.
Riba su mes e anuncio aki no ta cambia nada, pero ta bon pa bisa cu e ta valido pa tienda so, y pa ningun otro negoshi.
Remarcable ta, cu e cambio aki no ta conta pa dianan di fiesta of dianan religioso cu tiendanan ta sera. Pa loke t’e trahadornan, si nan kier traha mas largo, nan por contal
cu a dunador di trabao cumpli cu ley, e.o. pago di overtime, pero e trahador no por wordo forza di traha. Evelyn Wever Croes ta lamenta cu el a cay malo den comunidad (Nota di Red: Mescos cu hopi otro cos, no ta duna debido splicacion).
Tambe e mandatario por a tende criticanan cu e Gobierno aki ta bisa di tin e ser humano central, pero cu e cambio di orario no a tene cuenta cu esaki,pasobraemama of tata lo tin cu traha oranan di anochi, sin
cu nan por ta na cas cu nan yiunan. El a tuma e criticanan aki masha na serio, pasobra si tin algo cu eGobiernakiasiñadi Gobierno anterior, ta di pone e ser humano central. E famia, e nucleo familiar p’e Gobierno aki ta masha importante y pesey Gobierno aki no ta bay permiti cu muchanan ta keda pa nan cuenta.
Cu e anuncio aki, nada no a cambia, pero cu e papeleo no ta necesario mas, segun Prome Minister Evelyn Wever Croes.