Page 85 - MEDIA MONITORING JULY 13, 2018

Djabièrnè 13 Yüli 2018
33
INTERNASHONAL
Alemania por ekstraditá eks lider katalan pa malversashon
BERLIN, AP.- Un tribunal di Alemania a kita un opstákulo legal pa permití ekstradishon di un polítiko independista katalan na Spaña pa kargonan di malversashon.
E tribunal estatal di Schleswig-Holstein a sentensiá ku e eks presidente katalan Carles
Puigdemont por wòrdu ekstraditá pa asumí su responsabilidat pa kargonan di abusu di konfiansa, pero no di rebelion.
Alemania no ta rekonosé e kargo di rebelion, i korte a bisa ku leinan aleman komparabel ku esnan ku ta kastigá traishon no ta wòrdu apliká debí ku e
akshonnan di Puigdemont “no a oumentá na tal nivel di violensia”.E kargonan ta derivá di e referèndem no outorisá ku e gobièrnu regional katalan a organisá aña pasá i despues un deklarashon unilateral di independensia di parlamento regional, di mayoria separatista.
Puigdemont a kalifiká e sentensia komo un viktoria i a tweet ku “nos a derotá un mentira sentral di estado spañó. Hustisia aleman ta ninga ku e referèndem di promé di òktober tabata rebelion”.E desishon ta nifiká ku su ekstradishon pasá, Puigdemont por wòrdu huzgá solamente na
Spaña pa malversashon di fondonan públiko, segun e bosero di e tribunal, Christine von Milczewski.
Posibel resistensia di UE pa plan britániko di Brexit
LONDON, AP.- E gobièrnu britániko a develá su plan pa separá di Union Europeo, kalifikando e komo “pragmátiko i ambisioso”, pero e proposishon a provoká renunsia di dos minister i probablemente lo enfrentá resistensia den e bloke kontinental.
E plan ta vislumbrá ku Gran Bretaña lo mantené un
merkado liber di produkto ku UE.
Gobièrnu di e promé minister Theresa May ta deseá di satisfasé e británikonan ku a vota na fabor di separá di e bloke, agensianan di seguridat i otro instansianan ku un relashon estrecho ku UE, pero sin perhudiká e sektor empresarial.
Pero e plan no tabata sufisiente bon pa partidarionan di un salida total di UE, kende ta opiná ku esaki lo impedí Gran Bretaña di forma akuerdonan komersial ku otro partinan di mundu. Tantu e sekretario di relashon di eksterior Boris Johnson komo esun enkargá ku asuntunan di Brexit,
David Davis, a renunsiá siman pasá ekspresando su oposishon pa e inisiativa aki.
E turbulensia den e gobièrnu britániko ta surgi na momentu ku e presidente merikano Donald Trump ta den e pais pa un bishita i na momentu ku falta solamente nuebe luna pa e salida britániko di UE.
Merka: Muchanan migrante mas chikí ya ta ku nan famianan
WASHINGTON, AP.- E gobièrnu merikano a bisa djaweps ku tur e muchanan mas chikitu separá di nan famia komo resultado di e polítika migratorio di sero toleransia a wòrdu reuní ku nan mayornan.
Pero kasi mitar di e
muchanan bou di sinku aña ainda ta separá di nan famianan. Esaki ta debí na motibunan di seguridat, deportashon di nan mayornan i otro problemanan segun indikashon di gobièrnu.
Un korte a ordená gobièrnu pa reuní tur famia
separá entre komienso di mei i 20 di yüni, na momentu ku presidente Donald Trump a dekretá un final di e separashonnan. Union Merikano di Libertat Sivil (ACLU) a start un demanda na hòmber di un muhé separá di su yu i e hues federal Dana
Sabraw a ordená pa reuní tur mucha ku nan mayornan.
Pa djaweps mainta, 57 mucha a reuní ku nan mayornan, segun informashon di funshonarionan di gobièrnu.
E funshonarionan a bisa
ku 46 mucha no por a wòrdu reuní ku nan mayornan; kasi diesdos di esakinan a wòrdu deportá i gobièrnu tabata purbando di drenta den kontakto ku nan. Nuebe ta detené pa polis hudisial pa otro delitonan i e paradero di un adulto no ta konosí.
Lula deklará inosente di opstrukshon di hustisia
SAO PAULO, AP.- E eks presidente brasilero Luiz Inacio Lula da Silva a wòrdu deklará inosente di opstrukshon di hustisia djaweps, den un di e
vários kasonan kontra di e dirigente polítiko enkarselá. E desishon no ta un sorpresa debí ku e fiskal a pidi e hues pa eksonerá Lula, indikando ku no tabatin
prueba ku e eks mandatario a purba interferí den un investigashon di korupshon di e kompania estatal Petrobras. Sinembargo, hues Ricardo Augusto Soares Leite a determiná djaweps ku no tin prueba di kulpabilidat di e eks mandatario. E deklarashonnan di algun testigu kontra Lula, inkluyendo algun ku a koperá ku fiskal, no tabata kompletamente konfiabel, asina el a agregá. E abogadonan di Lula a aploudí e desishon i a opiná ku e argumentonan usá pa e hues por repliká den e kaso pa kual e eks presidente a
wòrdu sentensiá aña pasá. Den e kaso aki, Lula a wòrdu kondená pa interkambiá fabor ku un kompania di konstrukshon
kual tambe tabata impliká den e skandal a kambio di un promesa na Lula ku e lo haña un apartamentu kantu di laman.
...Carles Puigdemont...
...Theresa May...