Page 26 - projek tesis sampun revisi

Selantur ipun ida Sang Wéda sané katuréksain. Sang Wéda kanikain

mangda jenek ring pawaregan, ngaturang rayunan Ida Dang Guru

nyabran rahina. Melarapan antuk bhaktin Ida Sang Wéda ring Dang

Guru kadulurin panes tis sarahina pakaryan ida nyodayang rayunan

majeng ring Ida Dang Guru turmaning setata ngiring sakancan

pituduh sang meraga guru. Raris ida kaicén panugrahan makudang-

kudang pangeweruh miwah Wéda Mantra.

Risampuné Sang Wéda molihang panugrahan raris ida mantuk ka

patapan idané . Ida uning pisan mangkin ring pakewuhé ngamolihang

kaweruhan utawi kawikanan mawinan ida makayun-kayun ring

angga. Sapunika daging pakayun ida, yan i déwék ngelah sisya, buin

maniyan lakar jeg bang iya Sang Hyang Mantra, lakar sing idihin sasari

sane patut katur ring sang maraga guru, turmaning lakar tusing

tureksain, sekadi Ida Bhagawan Domya nureksain déwéké .

Mungguing asapunika pakayun Ida Sang Wéda.

25

E-MODUL PELAJAHAN BAHASA BALI SMK KELAS X