Page 49 - projek tesis sampun revisi
P. 49
Tata Cara Nyurat Lontar
Tata cara nyurat lontar ngawit saking ngawigunayang pangrupak.
Pangrupak inggih punika lémat sané madué raikalih nénten sakadi rain
lémat sané kaanggén mejejahitan. Pengrupak kawigunaipun pateh sekadi
pulpen utawi pensil nanging yéning nganggén pangrupak masaih sakadi
anggen paet rikala ngukir, ental sane katulis pacang magorés. Potlot
miwah garisan sane kaanggén ngaryanan garis pinggir ring sisi tengen
utawi kiwa tigang bolong sané wénten ring lontar,kirang langkung 0,8 cm.
Rikalaning ngaryanang garis pinggir, sané patut kauratiang inggih punika
bolong lontar sané magenah ring kébot (A) nuju bolong tengah (B) tur
jarak bolong (B) ka bolong (C). Jarak bolong A ke B punika bawakan yening
bandingang ring bolong B ka C, nika awinan nyurat lontar kakawitin saking
bolong kiwa (A). Yéning sampun, wawu kalaksanayang nyurat antuk
pamahbah sasuratan sané kakawitin antuk panten utawi carik agung sane
kalanturang nganggé pangastawa inggih punika : Om Awighnamastu
nama sidam" salanturnya katutup malih nganggé pamahbah.
Rikalaning nyurat, lontar kagambel antuk tangan sane kiwa. Lontar
sane kagambel punika akehnyane lebih saking asiki. Nyurat lontar nénten
pisan dados sakadi nyurat ring buku tulis (neplék ring meja), nanging
tangan sané ngambel lontar punika kaaledin antuk lungka-lungka. Lontar
sané sasuratanipun kakawitin saking bolong C (dawanan) taler kawastanin
lontar tulah. Lontar tulah punika kabangayang manten mangda rusak
preragan. Dulang utawi meja sané kaanggén tatakan ri kalanyurat.
Panyangihan sané marupa sakadi batu sané ketah kaanggén nyangihin
pangrupak utawi lémat sane sampun puntul.
Rikala nyurat, tata cara sasuratannyané nganggé pasang jajar
sambung nénten jajar palas. Jajar sambung inggih punika kruna-kruna
sané kasurat dados lengkara kasurat saling kasambungin nénten
spasinyané. Nyurat lontar punika kakawitin saking bida 1 b. San
kakawitiné saking bolong A ngantos bolong C, yéning bidang kapertama
sampun telas kasurat, raris lontar kabadingan saking sor kaluur nénten
dados saking tengen ka kiwa, kalanturang ka bidang kaping 2a, 2b, 3a, 3b,
miwah selanturipun. Soang-soang bidang madaging petang baris
sesuratan madaging budang bading
48
E-MODUL PELAJAHAN BAHASA BALI SMK KELAS X
