Page 61 - projek tesis sampun revisi
P. 61
PEPLAJAHAN 1 WANGUN KRUNA
NGURATIANG
Indayang wacén sinambi nguratiang wacanané ring sor puniki.i
Sumber: rupa-rupa.com
Sayaga Bencana Gambar 3.2. Perlengkapan P3K Siaga bencana.
Bencana ketah tan pesangkan rauhipun, ring sapunapiné nénten wénten
pracihna sadurungé, wantah pangéndan Ida Sang Hyang Widhi Wasa.
Yadiastun asapunika, iraga patut setata yatna ring kawénténé jagaté.
Bencana prasida rauh tan pasangkan, sakadi blabar (banjir), tanah embid,
linuh, angin ngelinus, Tsunami, miwah sané lianan. Yéning sampun wénten
bencana pianak somah bisa dados korban, santukan punika iraga patut
setata sayaga. Sané patut sayagang ri kala ngarépin bencana inggih punika:
urati ring wewidangan (menghormati lingkungan) sakadi, tangeh ring cecirén
baya, nénten ngutang luu sakita arep, patut kagenahang ring genah-genah
sané sampun kasayagayang, nénten ngebah kayu sekita arep, nyaga
kawéntenan alasé, tenang nenten panik, munduhan informasi, radio,
sumber listrik cadangan, alat pertahanan diri, sayagang kotak penyimpanan,
sayaga ring jero, bekel, P3k. Tios ring punika patut nunas ica ring Ida
Sanghyang Widhi sarahina.
60
E-MODUL PELAJAHAN BAHASA BALI SMK KELAS X
