Page 78 - projek tesis sampun revisi
P. 78
Durusang wacen punggelan teks wacana ring sor tur wacan
kawerugan indik sor singgih basa samaliha rerehang panglimbak
kaweruhane ring sumber-sumber sane tiosan sakadi buku-buku
miwah internet.
Sasubané karya pamukurané peragat antuk Ida Peranda muput
lantas Ida ngandika tekén panitia karyané. "Bapa lakar budal, eda nyan
bapa baanga supir ané itunian, bapa sing bani." "Séksi angkutan I
Wayan Kacong durusang ka bale pamiyosan, jagi ngiring Ida Peranda
budal." Kéto suaran coronge ngelurin sopiré ané madan I Kacong. I
Gumlyar ilang sebetné, saget ia bungker-bungker kedék di tongose ané
saru tusmg nyidayang nanggehang kedeké inget tekén pengalamane
itunian. Jam gilirane I Kacong ané ngiring Ida Peranda ka Geria Gedé. I
Kacong kamegmegan mapan ia tusing pati bisa matur alus tekén Ida
Peranda. Kenkenang tuara takut, mapan pergaulane anak di
patuwakan dogen, sinah satwané jabag tekén timpal-timpale, man jani
maan tugas ngiring Ida Peranda kal kenkenang madaya?, yen prade Ida
Peranda ngandika.
Sawiréh kaselek tuara nyidang tiwal tekén tugas, I Kacong terpaksa
ngiringang pandikan ketua panitia karyané. Sasubané berangkat muat
Anak Lingsir len pajalan montoré banban tur kalem. Ida Peranda
seneng pakayunanidané, mapan supiré diapinké gobane sangar bin
rengas kuala luwung kalem nyalanang montor. Yen biasané I Kacong
anak DRS (Dengang Rengas Sengap) nyopiring montor, kuala jani
mapan ada babesen ketua panitia karyané, kocap tusing dadi ngebut
ngiring Ida Anak Lingsir, ento awanané I Kacong ati-ati pesan di jalané.
Ritatkala jalan rurungc nregah sinah ngadat pajalan montorc mapan
nganggon porsneleng ané gede makada munyin mesiné magruweng
tur ngeraik. "Yan Kacong, yen kéné jalané ngregah, gigi kuda kal
asukang dadi gede pesan suaran mesine?" kéto pandikané Ida
Peranda. I Kacong telah dayané, nadak peluhne padlekdek melusin
gidatné mapan tusing nawang basa alus, apa kal orang jani kénkén kal
baan masaut. "Kenkén Yan Kacong dadi siep, sing dingeh
pandikan,pandikan Ida Ratu Peranda?" kéto patakon parekané ané
bareng ngiring negak di dun. "Tet..tet..,telung untu nika Ratu Peranda."
Kéto pasautne I Kacong kabilbil sambilanga nguntul. Sagetang
masriyag kedék unkal-angkil panyeroané Ian parekané ané bareng
numpang ditu.
77
E-MODUL PELAJAHAN BAHASA BALI SMK KELAS X
