Page 47 - Projek tesis final dayu tika

Nyurat Lontar

Sumber : Benoa News

Sarana Nyurat Lontar

Sarana sane kaangge ri kala nyurang lontar, inggih punika: lontar,

pengrupak, pelikan (penyepit), wanci/dulang (tatakan nyurat), lungka-

lungka, tingkih metunu anggen penyeleman. indik tata cara nyurat sakadi

ring sor puniki: Daun lontar sane sampun sayaga kaanggen nyurat.

Ukuranipun inggih punika dawane manut wenten 25 cm, 30 cm, 35 cm, 40

cm, 45 cm, 50 cm, 55 cm miwah 60 cm. Lebar lepihan lontar kirang

langkung wantah 3,5 cm. Pangrupak, piranti sane utama ri kala nyurat

lontar. Pangrupak marupa lemat sane madue rai kekalih.

1. Pangrupak puniki pateh sakadi pulpen utawi pensil ri kala nyurat ring

buku.

2. Dulang utawi meja, kaanggen pinaka taled kapertama ri kala nyurat

lontar.

3. Pelikan, inggih punika piranti sane kaanggen ngiket lontar. Sumpe puniki

madue kawigunan mangda lontar sane kasurat nenten mabrarakan taler

prasida kaanggen ngawi garisan ring lontar.

4. Lungka-lungka, inggih punika kasur alit. Kawigunnanyane anggen aled

tangan ri kala nyurat lontar.

5. Tingkih, inggih punika piranti sane kaanggen ngitemin lontar sane

sampun kasurat.

6. Lontar, inggih punika piranti utama sane kaanggen nyurat. Lontar puniki

kawigunannyane pateh sakadi kertas.

46

E-MODUL PELAJAHAN BAHASA BALI SMK KELAS X