Page 47 - projek tesis sampunrevisi
P. 47
Nyurat Lontar
Gambar 2.4 : Lontar sane sampun kasurat
Sarana Nyurat Lontar Sumber : Benoa News
Sarana sané kanggen rikala nyurat lontar, inggih punika: lontar, pengrupak,
pelikan (penyepit), wanci/dulang (tatakan nyurat), lungka-lungka, tingkih
matunu anggén penyeleman. indik tata cara nyurat sakadi ring sor puniki:
Daun lontar sane sampun sayaga kanggén nyurat. Ukuranipun inggih
punika dawané manut wenten 25 cm, 30 cm, 35 cm, 40 cm, 45 cm, 50 cm,
55 cm miwah 60 cm. Lébar lepihan lontar kirang langkung wantah 3,5 cm.
Pangrupak, piranti sané utama ri kala nyurat lontar. Pangrupak marupa
lémat sané madué rai kekalih.
1. Pangrupak puniki pateh sakadi pulpén utawi pensil ri kala nyurat ring
buku.
2. Dulang utawi meja, kanggén pinaka taled kapertama ri kala nyurat lontar.
3. Pelikan, inggih punika piranti sane kanggén ngiket lontar. Sumpe puniki
madué kawigunan mangda lontar sané kasurat nénten mabrarakan taler
prasida kanggén ngawi garisan ring lontar.
4. Lungka-lungka, inggih punika kasur alit. Kawigunnanyané anggén aled
tangan ri kala nyurat lontar.
5. Tingkih, inggih punika piranti sané kanggén ngitemin lontar sané sampun
kasurat.
6. Lontar, inggih punika piranti utama sane kanggén nyurat. Lontar puniki
kawigunannyané pateh sakadi kertas.
46
E-MODUL PELAJAHAN BAHASA BALI SMK KELAS X
