Page 56 - projek tesis sampunrevisi
P. 56
Ringkesan
Manut Kawigunannyane, Aksara Bali Kaepah dados
makudang kudang soroh Sampun akeh wenten daging
pamineh sane preside kakeniang ngeninin indik sorohing
aksara Baline. manut Bapak Simpen A.B., Aksara Baline wenten
tigang Soroh, minekadi :
1. Aksara Wrehastra
2. Aksara Swalalita, miwah
3. Aksara Modre
Aksara Bali polih adaptasi saking aksara India,
panglimbaknyané sinarengan daweg panglimbak agama
Hindu–Budha ring Indonésia. Dumunan, ring India wénten
aksara sané mawasta Karosti. Mawit saking Karosti puniki
nyantos wénten aksara Brahmi, salanturnyané nurunang
aksara Devanagari miwah Pallawa. Aksara Dévanagari ring India
Utara keanggén nyurat ring sajeroning basa Sansekerta. Aksara
Devanegari miwah Pallawa puniki salanturnyané nurunang
aksara Kawi utawi Indonésia kuno. Mawit saking aksara Kawi
puniki, kasuén-suén medal aksara Jawa, aksara Bali miwah
aksara-aksara sané tiosan sané wénten ring Indonésia.
Sane patut kesiagayang yening nyurat lontar inggih punika,
pengrupak, lontar, tingkih metunu, dulang, lungka-lungka tur
pelikan. Yening nyurat lontar sisya mangda uning pasang
aksara dumun mangda nenten iwang dawég nyurat aksara Bali
ring Lontar. Yening nyurat aksara Bali ring software durusan
instal sinalih tunggil program Bali simbar sane kaanggen, sakadi
Bali Simbar Dwijendra
55
E-MODUL PELAJAHAN BAHASA BALI SMK KELAS X
