Page 20 - Tualsung Danbu 2020 Beth EBCC

11.13.5 Audited Statements apan Re-Audit kul hial diklouhna muhkhiak a om
leh, tua Audited Statement TBSUC in a pom (approve) ngeingei ding
chihna ahi kei a, Re-Audit bawl ding midang a sep thei ding.

11.13.6 Saptuam’ sum mimal khat hiam, khat sang a tamzaw hiam tung a kibang
a om leh TBSUC in hoihtak a velna a neihkhit chiang in Local fundte ah a
thu zil a ngaihdam ding hiam, gelhmang (Write-off) ding hiam, ditsak ding
hiam ah thuneihna TBSUC in a zang thei ding. Himahleh, Headquarters /
Division a sum lut dingte tuabang a om khak leh EBC DANTE, Finance
Code Section 4.6.4 toh kituak in Headquarters / Division a piaksawn ahi
ding.

ARTICLE 12 : OFFICE LAI PAI DIDAN

12.1 Saptuam’ Lai kimute peuhmah by name leh by designation a kigelhte
Clerk-cum-Accountant in a hong masa vek ding a, Dak Receipt Register
ah a gelhlut vek ding. A kisaipih lai mu masate’n leng Clerk-cum-Accountant’
receipt ding a piaksawn vek ding ahi.

12.2 Dak Receipt number gelhzoh vek ahih chiang in Clerk-cum-Accountant
in a kisaipih Departmentte’ Dak Put-up File zang in Department head
khut ah a Put-up masa pen ding.

12.3 Department head in lai kimute ah note gelh in initial (Suai) a bawlvek
zel ding hi.

12.4 Department head in dak a note leh initial (Suai) a bawlkhit chiang in
Clerk-cum-Accountant in note kibawl dungzui in a paina ding ah a
pesawn ding.

12.5 Lai sepsuah ding leh kizaksak ding omte a kisaipihte’n Clerk-cum-
Accountant toh kithuah in office a sepsuah zel ahi ding.
12.6 Peon-cum-Chowkidar in Dak Put-up File a hunlap ding in put-up leh
lakkik moh a pua ding. A poimoh zil in Clerk-cum-Accountant in a kisaipih
mite toh kithuzak in office ah lai muhte a na semsuah zel ding uh.

======================

-19-