Page 9 - 2014-1
P. 9
INGEZONDEN
Stellingwarver Dag in Buil op zaoterdag 17 meie!
Op zaoterdag 17 meie zal Buil de hiele dag in et teken van et Stellingwarfs staon. Die
dag orgeniseert de warkgroep Publiciteit van de Stichting Stellingwarver
Schrieversronte veur et eerst een Stellingwarver Dag in een Stellingwarfs dörp. Et
doel is om de Stellingwarver Dag ieder jaor in een aander
plak te holen, én om op die dag mitien ni’je leden te
winnen veur de Schrieversronte.
De dag begint morgen al mit gezellige aktiviteiten, d’r kan
keuzen wodden uut verschillende meugelikheden.
Middags zal d’r buten o.e. ommedaenken wezen veur de
jeugd. Veur de ooldere meensken zullen, zo is et plan,
iene of meer ooldere filmbeelden uut et dörp vertoond
wodden. Mitwarking daorveur is d’r in elk geval van Jan de
Vries van Wolvege.
Aovens zullen verschillende Builiger verienings veur een
spetterend, ofwisselend en Stellingwarfs pergramme
zorgen, mit o.e. een Stellingwarver ienakter en een
prachtige ofsluting deur een jonge band uut Buil.
We holen jim de kommende tied op de hoogte mit de veerdere ontwikkelings! En jim
doen toch allemaole op de ien of ere wieze mit an die mooie zaoterdag in de
bluuimaond??
9
