Page 18 - Suara Sarawak B 7 Julai 2021
P. 18
2
Nagang ASF ngerekai
Kapit enggau Telang Usan DIPATAU
HARI TIGA • 7 Julai 2021
DR ADRIAN SUSIN AMBUD
“Taja pia, pekara tu nadai ngirauka ati laban semua sida ngasika atur sekumbang PKPD dikena nagang igi penyakit tu ngerampit orang bukai.”
LO KHERE CHIANG. GAMBAR ALIF NONI
DATUK LEE KIM SHIN
KUCHING: Bagi Menua Kapit enggau Pelilih Telang Usan di Miri dikenuku nyadi endur nagang igi penyakit Tabin Jani Afrika (ASF) ngerekai.
Sapit Kepala Menteri Datuk Amar Douglas Uggah Embas ngaga pemutus pengudah ked- edua endur nya semak Wilayah Nunukan eng- gau Krayan, Kalimantan Utara, Indonesia ti bisi ngerikod igi penyakit ASF ngerekai.
Direktor Opis Servis Veterinar Sarawak (JPVS) Dr Adrian Susin Ambud madah, gerah nya digaga Uggah ke mega Menteri Betanam Betupi Moden, Tanah Adat enggau Pemansang Kandang Menua nengah Seksyen 35 (1) (b) Or- dinan Kesihatan Awam Veterinar 1999.
Berebak enggau nya, Dr Adrian minta mensia mayuh nyengkaum sida ke nupi jani ba endur nagang penyakit ASF enda meri jani nya makai, mindahka jani idup, dagin jani tauka produk jani pansut enggau tama ngagai endur nagang penyakit ASF.
Nambahka nya ku iya, mensia mayuh tauka sida ke nupi jelu enda tau mai tauka meli dagin online tauka nganjung dagin jelu bukai tauka
produk jani ngagai endur nya.
“Sida ke nupi jani mega dipinta ngerikod
nyema jani sida mati ngenyit enggau ngaga ripot nyema tepedaka sebarang aktiviti enda dikemendar bekaul produk jani ngagai Opis Unit Veterinar besemak.
“Sida ke nupi jani mega dipinta suah agi mer- esi ladang ngena produk munuh igi penyakit.
“Seliah jani ditupi kita betegu enggau jani kampung ba ladang sereta dipinta ngaga kan- dang dikena nyeliahka orang bukai ngabas kandang jani nya,” ku Dr Adrian nerang.
Dr Adrian madah, dagin jani nya enda tau di- jual lalu enti ditemu raban penerit adat veterinar deka ngerampas dagin jani nya lalu sida enggai mayar ganti rugi dalam seksyen tu.
“Barang sapa ti ditemu ngelanggar atur tu deka diukum enda ngelui ari RM1,000,” ku iya nyemetak madah.
Nambahka nya ku iya, sida ke nupi jani ba bagi menua bukai dipinta bejejaga enggau neritka biosekuriti ladang sereta anang ngasuh orang bukai ngabas kandang jani.
“Nyema jani tauka jelu ditupi kita nya parai
ngenyit, ripot ngagai Opis Unit Veterinar tauka Whatsapp nuju lumur, 016-284 0918.
“Mensia mayuh anang meli, nyimpan tauka nyual jani kampung idup enggau dagin jani kampung ba endur nagang penyakit ASF dikena nyeliahka igi penyakit tu ngerekai.
“Kami minta mensia mayuh meri kerejasama sentang pekara tu,” ku iya nyemetak madah.
Nangkan nya ku Dr Adrian, barang sapa ti mai dagin tauka produk jani ari Indonesia nadai permit ari raban penerit adat veterinar nya salah nengah Seksyen 9 (1) dalam Ordinan ti sama.
Ku iya, ba penyalah nya mensia mayuh ulih kena ukum enda ngelui ari RM50,000 tauka dijil enda ngelui ari dua taun.
Iya madah naka diatu, jani ti ditupi ba menua tu agi lepas ari penyakit ASF nya.
Iya mega meri jamin ngagai mensia mayuh, dagin jani ti dijual ba pasar nya selamat diempa laban igi penyakit ASF nya ukai penyakiut Zo- onotic enggau enda ngerampit ngagai mensia.
Kelimpah ari nya ku iya, JPVS deka terus bejalaika pengawa matau enggau nagang ba adan menua.
Kpg Tematu enda ngetu nerima bantu
| INDUN SILONG suarasarawak.sv@gmail.com
KUCHING: Peranak Kam- pung Tematu, Batu Kitang benung bejalaika Atur Mindah Betagang Bepekul (PKPD) nerima pemeri 190
iku manuk dagin.
Adun Batu Kitang, Lo Khere
Chiang madah, bantu nya datai ari Gerempung Besai Serakup
China Sarawak. “Aku meri terima kasih ngagai se- mua sida ti
udah gerah jari enggau betatika penusah sida ditu ngambi enda suntuk pemakai.
“Kampung Tematu bejalaika PKPD sem- inggu ke udah lalu bisi seminggu agi endur bepekul enti kes nadai nambah,” ku iya.
Khere Chiang bejaku munyi nya lebuh nyuaka bantu manuk mata ngagai Tuai Bansa Kampung Tematu Geofrey Tahang ditu, kemari.
Iya madah baru, peranak dia ngerikodka lima kes positif Covid-19 kena 30 June tu tadi. “Udah nya sida beperesa chulit baru kena
2 Julai ke alai dua iku agi ditemu positif. “Taja pia, pekara tu nadai ngirauka ati laban semua sida ngasika atur sekumbang PKPD dikena nagang igi penyakit tu nger-
ampit orang bukai,” terang iya.
Iya mega meri terima kasih ngagai Perin-
tah Sarawak laban sikar ngaga pemutus be- jalaika PKPD dia dikena nagang igi penyakit Covid-19 balat agi ngerekai.
“Aku meda peranak kampung ditu endang bisi disiplin. Nya alai, aku ngarapka sida meruan nyaga diri empu enggau sida sebilik.
“Kenyau ari sida diasuh bepekul, kami udah nerima mayuh bantu baka berau, sayur enggau barang dapur ke bukai,” ku iya.
Khere Chiang madah baru, sida deka datai baru meri bantu ngagai kampung nya nang- kan tu ila.
Ungkup penerang, peranak di Kampung Tematu bisi ngembuan 189 ruang bilik tauka 300 lebih iku.
Kampung nya berengkah bejalaika PKPD kena 30 June tu tadi lalu abis kena 13 Julai tu ila
Arap PPVIN ulih ditumbuh enggau lengkas
A
MIRI: Palan Meri Vaksin Industri (PPVIN) deka ditumbuh ba Palan Penyangkai Kapal Miri beduduk ari 120 iku pengereja sumil ba Kuala Baram ditemu positif Covid-19.
Menteri Bekuasa Komiti Penyangga Pe- nusah Bagi Menua Miri, Datuk Lee Kim Shin madah, PPVIN nya deka dibuka
berengkah 8 Julai tu.
“Tu deka nyadi Palan Penyangkai
PPV ungkup industri enggau pen- gereja seraya siti agi PPVIN deka ditumbuh ba Taman Perindustrian
Kuala Baram ke diatu agi nganti pemendar,” ku iya.
Menteri Perengka Pengangkut Sarawak nya madah, Raban Betuchuk Vaksin Covid-19 (CITF) ari Kuching deka ngabas palan nya lalu pelin nya udah dianjung ungkup malin.
“Aku minta CITF jampat meri pemendar ngambi PPVIN ulih dibuka enggau lengas.
Opis Menteri Pengerai Malaysia (KKM) mega mansik enam iku pengereja ari gentu- rung pendiau besemak udah dikelala nyadi kontak semak.
Ari 113 kes nya, 107 iku nya ukai peranak menua (BWN) enggau enam iku nya peranak Malaysia (Sarawak).
Kuarters pengereja kilang enggau 210 iku peranak udah bejalaika Atur Mindah Beta- gang Bepekul (PKPD) berengkah 1 ngagai 15 Julai ke alai Kluster Industri 121, Kuala Baram mungkur kes ari kilang ke udah dibantai.
Gerah nutup kilang pengelama 14 hari berengkah ari 5 ngagai 19 Julai udah dikeluar lalu kilang dikompaun RM10,000 ketegal nge- mendarka ngelui ari 50 peratus pengereja.
18
