Page 19 - Suara Sarawak B 7 Julai 2021

HARI TIGA • 7 Julai 2021
JALAI ALUN neresa kampung
3
BEBUKIT... Gaya Jalai Linsum-Ijok bebukit tang udah dibelakin penuh.
BETONG: Jalai Linsum-Ijok meri pemaik ngagai 2,000 iku peranak ari 12 buah rumah panjai sepemanjai jalai nya.
Adun Layar, Gerald Rentap Jabu madahka projek jalai nya nyadi kenang iya begulai enggau niang Tok Nan.
Rentap mega berasai lantang ati laban jalai nya udah tembu enggau ulih dikena.
Sempama baka ‘jalai alun neresa kampung’, nya mih jaku pemberita Suara Sarawak lebuh betengahka jalai baru nya.
Bebida amat laban jalai nya landai enggau duduk dalam entukar pen lantang.
Taja jalai nya bebukit tang kitai udah nimpai pemanah rampak menua enggau peninggi Bukit Sadok mega tam- pak dipeda kelimpah pemanah rampa ai sungai ti chiru.
Ku Rentap, jalai nya entara projek pemadu tumu dipinta lebuh iya menang ba Pengawa Bepilih Nengeri (PRN) suba.
“Nya entara pemansang ungkup rayat ba menua pesisir dibantaika aku ngagai ex-Kepala Menteri niang Pehin Sri Adenan Satem.
“Puji Tuhan, Perintah Sarawak udah ngemendarka projek nya enggau meri besai terima kasih ngagai Kepala Menteri Datuk Patinggi Abang Johari Tun Openg laban udah nentuka projek nya tembu,” ku iya nerang ngagai Suara Sarawak, ditu kemari.
Terang Rentap, Jalai Linsum-Ijok ti udah tembu nya
> Semina tinggal pengingat
PEMANSANG BARU... Rentap bediri ba Jematan Batang Layar ke mega jematan keterubah ba sepanjai Jalai Linsum-Ijok.
pemanjai 16 kilometer enggau bisi lima jematan. “Berengkah ari Linsum terus ngagai Mara, Melanjan, Raba, Jelang, Temedak, Nanga Mujau, Luing, Kerapa,
Gerugu, Penyuin enggau Ijok.
“Nangkan nya, lima jematan meraka Batang Layar,
Sungai Pagan, Sungai Pemgirit, Sungai Nyelutong enggau Sungai Spaok. Nya alai, projek
beungkus RM44 juta udah dipelanja
Perintah Sarawak,” ku iya.
Rentap mega madah, Jalai Lin- sum-Ijok ulih ngemandakka tim- puh pejalai ngagai Pasar Betong pengelama sejam setengah aja dibanding enam jam ngena perau.
Ku iya, jalai nya deka nge- muntangka peranak dia ngangkut produk betanam betupi sida ngagai pasar.
“Aku andalka jalai tu ngenataika mayuh pen- guntung kelebih agi ung- kup pemansang ba ulu,” ku Rentap nerang.
Diatu perintah benung nyeleti jalai ngagai Muman penyauh empat kilometer ari rumah panjai Ijok.
GERALD RENTAP JABU
KAR... Jalai Linsum-Ijok nyadi penyambung 12 buah rumah panjai.
45 minit nanjak bukit ngesan guni sum
TILA ENDUYA
BETONG: Pengidup rayat di menua ulu belinsur manah lebuh jalai digaga meruan enggau disemin tauka dibelakin nyentuk kaki tangga rumah panjai.
Badu agi kiruh merau maya deka undur ke pasar ti bejam-jam pengelama. Baka nya meh pengelan- tang diasaika peranak ke diau ba sepemanjai Jalai Linsum-Ijok.
Peranak dia lantang mindah nengah jalai darat lalu penusah ditapi suba semina tinggal pengingat aja diatu.
Tuai Rumah Panjai Luing, Tuai Rumah Tila Enduya meri puji ngagai perintah laban udah ny- endiaka infrastruktur penyambung ngagai menua sida ke semina ulih dilawa nengah jalai ai aja suba.
“Pengingat ngesan guni sum, pemerat 50 kilo- gram (kg) seguni bedarat nanjak bukit pengelama 45 minit agi.
“Ukai seguni aja disan, tang nyau bepuluh guni lebuh bisi nerima bantu sum ari Opis Betanam Betupi.
“Ari jelatung di Nanga Mujau ke Luing enti bisi utai dibai abis ulih dirumban 45 minit tang enti bejalai tubuh murus, kira setengah jam datai ba
rumah.
“Diatu kami serumah lantang amat udah datai
jalai, sema jaku entukar pan sangkai ba mua pintu rumah, badu agi bedarat ngerinan bebaika utai,” ku iya lebuh dirandau Suara Sarawak.
Tuai Rumah Tila madah baru, baka nya mega lebuh sida serumah bejualka asil kebun nyau be- rangkut ngena dua tiga buah perau sekali undur.
Tebal agi sida serumah nanam lada, bisi sekeda bekebun sabun kelimpah bemacham bansa utai tanam bukai nyadika pemansut ekonomi.
“Datai ba musin ngarang enggau nyual utai tanam, kami ngena dua tiga buah perau undur ngagai pengkalan pemadu semak, belanja minyak umbas diri ga sekali undur.
“Kebuah pia laban lebuh datai ba pengkalan, kami nyau betambang ga mai asil kebun ngagai pasar kin.
“Nya alai kami lantang amat diatu, ukai semina lantang mindah tang pengawa bejualka asil kebun nyau lempung enggau ulih dirumban, belanja mega ulih dikelimat,” ku iya.
Suba ku iya, sebedau datai jalai, sida ke diau ba
ulu deka diau bemalam ba hotel maya undur ke pasar laban nitihka gaya ai enti deka mudik.
“Enti deka undur ke pasar suba, pukul 5 pagi en- dang udah berangkat ari rumah lalu jam manggai 12:00 tengah hari mesti udah mudik ari pasar, enti enda, sekiraka bemalam semalam meh ba hotel.
“Kami nadai agi irauka ai pasang tau surut agi diatu laban ulih mindah sebarang maya. Ke pasar Betong kin pan kurang sejam endur datai.
“Nya kebuah aku meri besai terima kasih nga- gai perintah laban udah nyendiaka infrastruktur meruan ungkup kami ke diau ba menua ulu,” ku iya ke megai 21 pintu bilik tauka 146 iku nembiak redak.
Tuai Rumah Tila udah betuchuk vaksin dos kedua kena Hari Minggu tu tadi lalu madahka pengelantang ati diri ngagai insiatif perintah ti sanggup ngelawa menua ulu nengah Palan Betu- chuk Vaksin (PPV) Mindah Kin Kitu.
Iya madah baru, peranak menua ulu nyau se- darka pemesai guna enggau pemanah vaksin lalu nyau deka semua peranak rumah panjai ti patut betuhcuk udah betuchuk vaksin. - OSMAN RAZALI
19